| Library / Tipiṭaka / തിപിടക • Tipiṭaka / കങ്ഖാവിതരണീ-അഭിനവ-ടീകാ • Kaṅkhāvitaraṇī-abhinava-ṭīkā |
൬. ഗണചീവരസിക്ഖാപദവണ്ണനാ
6. Gaṇacīvarasikkhāpadavaṇṇanā
അഞ്ഞസ്മിം പരിക്ഖാരേതി യത്ഥ കത്ഥചി ഥാലകാദീനം വാ സപ്പിതേലാദീനം വാ അഞ്ഞതരസ്മിം. ‘‘സമഗ്ഘകാലേ ദസ്സഥാ’’തി ഏവം ആനിസംസം ദസ്സേത്വാ നിവാരേന്തിയാതി ‘‘കിത്തകം അഗ്ഘനകം ദാതുകാമത്ഥാ’’തി പുച്ഛിത്വാ (പാചി॰ അട്ഠ॰ ൯൦൯) ‘‘ഏത്തകം നാമാ’’തി വുത്തേ ‘‘ആഗമേഥ താവ, ഇദാനി വത്ഥം മഹഗ്ഘം, കതിപാഹേന കപ്പാസേ ആഹടേ സമഗ്ഘം ഭവിസ്സതി, തസ്മിം കാലേ ദസ്സഥാ’’തി ഏവം ആനിസംസം ദസ്സേത്വാ നിവാരേന്തിയാ.
Aññasmiṃ parikkhāreti yattha katthaci thālakādīnaṃ vā sappitelādīnaṃ vā aññatarasmiṃ. ‘‘Samagghakāle dassathā’’ti evaṃ ānisaṃsaṃ dassetvā nivārentiyāti ‘‘kittakaṃ agghanakaṃ dātukāmatthā’’ti pucchitvā (pāci. aṭṭha. 909) ‘‘ettakaṃ nāmā’’ti vutte ‘‘āgametha tāva, idāni vatthaṃ mahagghaṃ, katipāhena kappāse āhaṭe samagghaṃ bhavissati, tasmiṃ kāle dassathā’’ti evaṃ ānisaṃsaṃ dassetvā nivārentiyā.
ഗണചീവരസിക്ഖാപദവണ്ണനാ നിട്ഠിതാ.
Gaṇacīvarasikkhāpadavaṇṇanā niṭṭhitā.
