| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
༦. གཎཙཱིཝརསིཀྑཱཔདཝཎྞནཱ
6. Gaṇacīvarasikkhāpadavaṇṇanā
ཨཉྙསྨིཾ པརིཀྑཱརེཏི ཡཏྠ ཀཏྠཙི ཐཱལཀཱདཱིནཾ ཝཱ སཔྤིཏེལཱདཱིནཾ ཝཱ ཨཉྙཏརསྨིཾ། ‘‘སམགྒྷཀཱལེ དསྶཐཱ’’ཏི ཨེཝཾ ཨཱནིསཾསཾ དསྶེཏྭཱ ནིཝཱརེནྟིཡཱཏི ‘‘ཀིཏྟཀཾ ཨགྒྷནཀཾ དཱཏུཀཱམཏྠཱ’’ཏི པུཙྪིཏྭཱ (པཱཙི॰ ཨཊྛ॰ ༩༠༩) ‘‘ཨེཏྟཀཾ ནཱམཱ’’ཏི ཝུཏྟེ ‘‘ཨཱགམེཐ ཏཱཝ, ཨིདཱནི ཝཏྠཾ མཧགྒྷཾ, ཀཏིཔཱཧེན ཀཔྤཱསེ ཨཱཧཊེ སམགྒྷཾ བྷཝིསྶཏི, ཏསྨིཾ ཀཱལེ དསྶཐཱ’’ཏི ཨེཝཾ ཨཱནིསཾསཾ དསྶེཏྭཱ ནིཝཱརེནྟིཡཱ།
Aññasmiṃ parikkhāreti yattha katthaci thālakādīnaṃ vā sappitelādīnaṃ vā aññatarasmiṃ. ‘‘Samagghakāle dassathā’’ti evaṃ ānisaṃsaṃ dassetvā nivārentiyāti ‘‘kittakaṃ agghanakaṃ dātukāmatthā’’ti pucchitvā (pāci. aṭṭha. 909) ‘‘ettakaṃ nāmā’’ti vutte ‘‘āgametha tāva, idāni vatthaṃ mahagghaṃ, katipāhena kappāse āhaṭe samagghaṃ bhavissati, tasmiṃ kāle dassathā’’ti evaṃ ānisaṃsaṃ dassetvā nivārentiyā.
གཎཙཱིཝརསིཀྑཱཔདཝཎྞནཱ ནིཊྛིཏཱ།
Gaṇacīvarasikkhāpadavaṇṇanā niṭṭhitā.
