| Library / Tipiṭaka / တိပိဋက • Tipiṭaka / ကင္ခာဝိတရဏီ-အဘိနဝ-ဋီကာ • Kaṅkhāvitaraṇī-abhinava-ṭīkā |
၆. ဂဏစီဝရသိက္ခာပဒဝဏ္ဏနာ
6. Gaṇacīvarasikkhāpadavaṇṇanā
အညသ္မိံ ပရိက္ခာရေတိ ယတ္ထ ကတ္ထစိ ထာလကာဒီနံ ဝာ သပ္ပိတေလာဒီနံ ဝာ အညတရသ္မိံ။ ‘‘သမဂ္ဃကာလေ ဒသ္သထာ’’တိ ဧဝံ အာနိသံသံ ဒသ္သေတ္ဝာ နိဝာရေန္တိယာတိ ‘‘ကိတ္တကံ အဂ္ဃနကံ ဒာတုကာမတ္ထာ’’တိ ပုစ္ဆိတ္ဝာ (ပာစိ. အဋ္ဌ. ၉၀၉) ‘‘ဧတ္တကံ နာမာ’’တိ ဝုတ္တေ ‘‘အာဂမေထ တာဝ, ဣဒာနိ ဝတ္ထံ မဟဂ္ဃံ, ကတိပာဟေန ကပ္ပာသေ အာဟဋေ သမဂ္ဃံ ဘဝိသ္သတိ, တသ္မိံ ကာလေ ဒသ္သထာ’’တိ ဧဝံ အာနိသံသံ ဒသ္သေတ္ဝာ နိဝာရေန္တိယာ။
Aññasmiṃ parikkhāreti yattha katthaci thālakādīnaṃ vā sappitelādīnaṃ vā aññatarasmiṃ. ‘‘Samagghakāle dassathā’’ti evaṃ ānisaṃsaṃ dassetvā nivārentiyāti ‘‘kittakaṃ agghanakaṃ dātukāmatthā’’ti pucchitvā (pāci. aṭṭha. 909) ‘‘ettakaṃ nāmā’’ti vutte ‘‘āgametha tāva, idāni vatthaṃ mahagghaṃ, katipāhena kappāse āhaṭe samagghaṃ bhavissati, tasmiṃ kāle dassathā’’ti evaṃ ānisaṃsaṃ dassetvā nivārentiyā.
ဂဏစီဝရသိက္ခာပဒဝဏ္ဏနာ နိဋ္ဌိတာ။
Gaṇacīvarasikkhāpadavaṇṇanā niṭṭhitā.
