| Library / Tipiṭaka / తిపిటక • Tipiṭaka / కఙ్ఖావితరణీ-అభినవ-టీకా • Kaṅkhāvitaraṇī-abhinava-ṭīkā |
౬. గణచీవరసిక్ఖాపదవణ్ణనా
6. Gaṇacīvarasikkhāpadavaṇṇanā
అఞ్ఞస్మిం పరిక్ఖారేతి యత్థ కత్థచి థాలకాదీనం వా సప్పితేలాదీనం వా అఞ్ఞతరస్మిం. ‘‘సమగ్ఘకాలే దస్సథా’’తి ఏవం ఆనిసంసం దస్సేత్వా నివారేన్తియాతి ‘‘కిత్తకం అగ్ఘనకం దాతుకామత్థా’’తి పుచ్ఛిత్వా (పాచి॰ అట్ఠ॰ ౯౦౯) ‘‘ఏత్తకం నామా’’తి వుత్తే ‘‘ఆగమేథ తావ, ఇదాని వత్థం మహగ్ఘం, కతిపాహేన కప్పాసే ఆహటే సమగ్ఘం భవిస్సతి, తస్మిం కాలే దస్సథా’’తి ఏవం ఆనిసంసం దస్సేత్వా నివారేన్తియా.
Aññasmiṃ parikkhāreti yattha katthaci thālakādīnaṃ vā sappitelādīnaṃ vā aññatarasmiṃ. ‘‘Samagghakāle dassathā’’ti evaṃ ānisaṃsaṃ dassetvā nivārentiyāti ‘‘kittakaṃ agghanakaṃ dātukāmatthā’’ti pucchitvā (pāci. aṭṭha. 909) ‘‘ettakaṃ nāmā’’ti vutte ‘‘āgametha tāva, idāni vatthaṃ mahagghaṃ, katipāhena kappāse āhaṭe samagghaṃ bhavissati, tasmiṃ kāle dassathā’’ti evaṃ ānisaṃsaṃ dassetvā nivārentiyā.
గణచీవరసిక్ఖాపదవణ్ణనా నిట్ఠితా.
Gaṇacīvarasikkhāpadavaṇṇanā niṭṭhitā.
