| Library / Tipiṭaka / ཏིཔིཊཀ • Tipiṭaka / ཙཱུལ༹ཝགྒ-ཨཊྛཀཐཱ • Cūḷavagga-aṭṭhakathā |
གམིཀཝཏྟཀཐཱ
Gamikavattakathā
༣༦༠. གམིཀཝཏྟེསུ དཱརུབྷཎྜནྟི སེནཱསནཀྑནྡྷཀེ ཝུཏྟཾ མཉྩཔཱིཋཱདི། མཏྟིཀཱབྷཎྜམྤི རཛནབྷཱཛནཱདི སབྦཾ ཏཏྠ ཝུཏྟཔྤབྷེདམེཝ། ཏཾ སབྦཾ ཨགྒིསཱལཱཡ ཝཱ ཨཉྙཏརསྨིཾ ཝཱ གུཏྟཊྛཱནེ པཊིསཱམེཏྭཱ གནྟབྦཾ། ཨནོཝསྶཀེ པབྦྷཱརེཔི ཋཔེཏུཾ ཝཊྚཏི། སེནཱསནཾ ཨཱཔུཙྪིཏབྦནྟི ཨེཏྠ ཡཾ པཱསཱཎཔིཊྛིཡཾ ཝཱ པཱསཱཎཏྠམྦྷེསུ ཝཱ ཀཏསེནཱསནཾ, ཡཏྠ ཨུཔཙིཀཱ ནཱརོཧནྟི, ཏཾ ཨནཱཔུཙྪནྟསྶཱཔི ཨནཱཔཏྟི། ཙཏཱུསུ པཱསཱཎཀེསཱུཏིཨཱདི ཨུཔཙིཀཱནཾ ཨུཔྤཏྟིཊྛཱནེ པཎྞསཱལཱདིསེནཱསནེ ཀཏྟབྦཱཀཱརདསྶནཏྠཾ ཝུཏྟཾ། ཨཔྤེཝ ནཱམ ཨངྒཱནིཔི སེསེཡྻུནྟི ཨཡཾ ཨཛ྄ཛྷོཀཱསེ ཋཔིཏམྷི ཨཱནིསཾསོ། ཨོཝསྶཀགེཧེ པན ཏིཎེསུ ཙ མཏྟིཀཱཔིཎྜེསུ ཙ ཨུཔརི པཏནྟེསུ མཉྩཔཱིཋཱནཾ ཨངྒཱནིཔི ཝིནསྶནྟི།
360. Gamikavattesu dārubhaṇḍanti senāsanakkhandhake vuttaṃ mañcapīṭhādi. Mattikābhaṇḍampi rajanabhājanādi sabbaṃ tattha vuttappabhedameva. Taṃ sabbaṃ aggisālāya vā aññatarasmiṃ vā guttaṭṭhāne paṭisāmetvā gantabbaṃ. Anovassake pabbhārepi ṭhapetuṃ vaṭṭati. Senāsanaṃ āpucchitabbanti ettha yaṃ pāsāṇapiṭṭhiyaṃ vā pāsāṇatthambhesu vā katasenāsanaṃ, yattha upacikā nārohanti, taṃ anāpucchantassāpi anāpatti. Catūsu pāsāṇakesūtiādi upacikānaṃ uppattiṭṭhāne paṇṇasālādisenāsane kattabbākāradassanatthaṃ vuttaṃ. Appeva nāma aṅgānipi seseyyunti ayaṃ ajjhokāse ṭhapitamhi ānisaṃso. Ovassakagehe pana tiṇesu ca mattikāpiṇḍesu ca upari patantesu mañcapīṭhānaṃ aṅgānipi vinassanti.
གམིཀཝཏྟཀཐཱ ནིཊྛིཏཱ།
Gamikavattakathā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / ཙཱུལ༹ཝགྒཔཱལི༹ • Cūḷavaggapāḷi / ༣. གམིཀཝཏྟཀཐཱ • 3. Gamikavattakathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༣. གམིཀཝཏྟཀཐཱ • 3. Gamikavattakathā
