| Library / Tipiṭaka / తిపిటక • Tipiṭaka / పాచిత్యాదియోజనాపాళి • Pācityādiyojanāpāḷi |
౩. గమికవత్తకథా
3. Gamikavattakathā
౩౬౦. గమికవత్తే ఏవం వినిచ్ఛయో వేదితబ్బోతి యోజనా. తత్థాతి సేనాసనక్ఖన్ధకే. తం సబ్బం పటిసామేత్వాతి సమ్బన్ధో. యత్థ యేసు పాసాణపిట్ఠిపాసాణత్థమ్భేసు ఉపచికా నారోహన్తి, తస్సం పాసాణపిట్ఠియం వా తేసు పాసాణత్థమ్భేసు వా యం కతసేనాసనం అత్థి, తం అనాపుచ్ఛన్తస్సాపి అనాపత్తీతి యోజనా. చతూసు పాసాణేసూతిఆది వుత్తన్తి సమ్బన్ధో, ఉపచికానం ఉప్పత్తిట్ఠానే కతేతి సమ్బన్ధో. అయన్తి ఆనిసంసో. ఓవస్సకగేహే పన ఠపితానం మఞ్చపీఠానన్తి సమ్బన్ధో.
360. Gamikavatte evaṃ vinicchayo veditabboti yojanā. Tatthāti senāsanakkhandhake. Taṃ sabbaṃ paṭisāmetvāti sambandho. Yattha yesu pāsāṇapiṭṭhipāsāṇatthambhesu upacikā nārohanti, tassaṃ pāsāṇapiṭṭhiyaṃ vā tesu pāsāṇatthambhesu vā yaṃ katasenāsanaṃ atthi, taṃ anāpucchantassāpi anāpattīti yojanā. Catūsu pāsāṇesūtiādi vuttanti sambandho, upacikānaṃ uppattiṭṭhāne kateti sambandho. Ayanti ānisaṃso. Ovassakagehe pana ṭhapitānaṃ mañcapīṭhānanti sambandho.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / చూళవగ్గపాళి • Cūḷavaggapāḷi / ౩. గమికవత్తకథా • 3. Gamikavattakathā
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / చూళవగ్గ-అట్ఠకథా • Cūḷavagga-aṭṭhakathā / గమికవత్తకథా • Gamikavattakathā
