| Library / Tipiṭaka / তিপিটক • Tipiṭaka / চূল়ৰগ্গ-অট্ঠকথা • Cūḷavagga-aṭṭhakathā |
গমিকৰত্তকথা
Gamikavattakathā
৩৬০. গমিকৰত্তেসু দারুভণ্ডন্তি সেনাসনক্খন্ধকে ৰুত্তং মঞ্চপীঠাদি। মত্তিকাভণ্ডম্পি রজনভাজনাদি সব্বং তত্থ ৰুত্তপ্পভেদমেৰ। তং সব্বং অগ্গিসালায ৰা অঞ্ঞতরস্মিং ৰা গুত্তট্ঠানে পটিসামেত্ৰা গন্তব্বং। অনোৰস্সকে পব্ভারেপি ঠপেতুং ৰট্টতি। সেনাসনং আপুচ্ছিতব্বন্তি এত্থ যং পাসাণপিট্ঠিযং ৰা পাসাণত্থম্ভেসু ৰা কতসেনাসনং, যত্থ উপচিকা নারোহন্তি, তং অনাপুচ্ছন্তস্সাপি অনাপত্তি। চতূসু পাসাণকেসূতিআদি উপচিকানং উপ্পত্তিট্ঠানে পণ্ণসালাদিসেনাসনে কত্তব্বাকারদস্সনত্থং ৰুত্তং। অপ্পেৰ নাম অঙ্গানিপি সেসেয্যুন্তি অযং অজ্ঝোকাসে ঠপিতম্হি আনিসংসো। ওৰস্সকগেহে পন তিণেসু চ মত্তিকাপিণ্ডেসু চ উপরি পতন্তেসু মঞ্চপীঠানং অঙ্গানিপি ৰিনস্সন্তি।
360. Gamikavattesu dārubhaṇḍanti senāsanakkhandhake vuttaṃ mañcapīṭhādi. Mattikābhaṇḍampi rajanabhājanādi sabbaṃ tattha vuttappabhedameva. Taṃ sabbaṃ aggisālāya vā aññatarasmiṃ vā guttaṭṭhāne paṭisāmetvā gantabbaṃ. Anovassake pabbhārepi ṭhapetuṃ vaṭṭati. Senāsanaṃ āpucchitabbanti ettha yaṃ pāsāṇapiṭṭhiyaṃ vā pāsāṇatthambhesu vā katasenāsanaṃ, yattha upacikā nārohanti, taṃ anāpucchantassāpi anāpatti. Catūsu pāsāṇakesūtiādi upacikānaṃ uppattiṭṭhāne paṇṇasālādisenāsane kattabbākāradassanatthaṃ vuttaṃ. Appeva nāma aṅgānipi seseyyunti ayaṃ ajjhokāse ṭhapitamhi ānisaṃso. Ovassakagehe pana tiṇesu ca mattikāpiṇḍesu ca upari patantesu mañcapīṭhānaṃ aṅgānipi vinassanti.
গমিকৰত্তকথা নিট্ঠিতা।
Gamikavattakathā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / চূল়ৰগ্গপাল়ি • Cūḷavaggapāḷi / ৩. গমিকৰত্তকথা • 3. Gamikavattakathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৩. গমিকৰত্তকথা • 3. Gamikavattakathā
