| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೨. ಗದ್ರಭಸುತ್ತವಣ್ಣನಾ
2. Gadrabhasuttavaṇṇanā
೮೩. ದುತಿಯೇ ಪಿಟ್ಠಿತೋ ಪಿಟ್ಠಿತೋತಿ ಪಚ್ಛತೋ ಪಚ್ಛತೋ। ಅಹಮ್ಪಿ ದಮ್ಮೋ ಅಹಮ್ಪಿ ದಮ್ಮೋತಿ ಅಹಮ್ಪಿ ‘‘ದಮ್ಮೋ ದಮ್ಮಮಾನೋ’’ತಿ ವದಮಾನೋ ಗಾವೀತಿ। ಸೇಯ್ಯಥಾಪಿ ಗುನ್ನನ್ತಿ ಯಥಾ ಗಾವೀನಂ। ಗಾವೋ ಹಿ ಕಾಳಾಪಿ ರತ್ತಾಪಿ ಸೇತಾದಿವಣ್ಣಾಪಿ ಹೋನ್ತಿ, ಗದ್ರಭಸ್ಸ ಪನ ತಾದಿಸೋ ವಣ್ಣೋ ನಾಮ ನತ್ಥಿ। ಯಥಾ ಚ ವಣ್ಣೋ, ಏವಂ ಸರೋಪಿ ಪದಮ್ಪಿ ಅಞ್ಞಾದಿಸಮೇವ। ಸೇಸಂ ಉತ್ತಾನತ್ಥಮೇವ। ಇಮಸ್ಮಿಮ್ಪಿ ಸುತ್ತೇ ತಿಸ್ಸೋ ಸಿಕ್ಖಾ ಮಿಸ್ಸಿಕಾವ ಕಥಿತಾತಿ।
83. Dutiye piṭṭhito piṭṭhitoti pacchato pacchato. Ahampi dammo ahampi dammoti ahampi ‘‘dammo dammamāno’’ti vadamāno gāvīti. Seyyathāpi gunnanti yathā gāvīnaṃ. Gāvo hi kāḷāpi rattāpi setādivaṇṇāpi honti, gadrabhassa pana tādiso vaṇṇo nāma natthi. Yathā ca vaṇṇo, evaṃ saropi padampi aññādisameva. Sesaṃ uttānatthameva. Imasmimpi sutte tisso sikkhā missikāva kathitāti.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೨. ಗದ್ರಭಸುತ್ತಂ • 2. Gadrabhasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧-೫. ಸಮಣಸುತ್ತಾದಿವಣ್ಣನಾ • 1-5. Samaṇasuttādivaṇṇanā
