| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౭. గద్దులబద్ధసుత్తవణ్ణనా
7. Gaddulabaddhasuttavaṇṇanā
౯౯. సత్తమే యం మహాసముద్దోతి యస్మిం సమయే పఞ్చమే సూరియే ఉట్ఠితే మహాసముద్దో ఉస్సుస్సతి. దుక్ఖస్స అన్తకిరియన్తి చత్తారి సచ్చాని అప్పటివిజ్ఝిత్వా అవిజ్జాయ నివుతానంయేవ సతం వట్టదుక్ఖస్స అన్తకిరియం పరిచ్ఛేదం న వదామి. సా గద్దులబద్ధోతి గద్దులేన బద్ధసునఖో. ఖీలేతి పథవియం ఆకోటితే మహాఖీలే. థమ్భేతి నిఖణిత్వా ఠపితే థమ్భే. ఏవమేవ ఖోతి ఏత్థ సునఖో వియ వట్టనిస్సితో బాలో, గద్దులో వియ దిట్ఠి, థమ్భో వియ సక్కాయో, గద్దులరజ్జుయా థమ్భే ఉపనిబద్ధసునఖస్స థమ్భానుపరివత్తనం వియ దిట్ఠితణ్హాయ సక్కాయే బద్ధస్స పుథుజ్జనస్స సక్కాయానుపరివత్తనం వేదితబ్బం. సత్తమం.
99. Sattame yaṃ mahāsamuddoti yasmiṃ samaye pañcame sūriye uṭṭhite mahāsamuddo ussussati. Dukkhassa antakiriyanti cattāri saccāni appaṭivijjhitvā avijjāya nivutānaṃyeva sataṃ vaṭṭadukkhassa antakiriyaṃ paricchedaṃ na vadāmi. Sā gaddulabaddhoti gaddulena baddhasunakho. Khīleti pathaviyaṃ ākoṭite mahākhīle. Thambheti nikhaṇitvā ṭhapite thambhe. Evameva khoti ettha sunakho viya vaṭṭanissito bālo, gaddulo viya diṭṭhi, thambho viya sakkāyo, gaddularajjuyā thambhe upanibaddhasunakhassa thambhānuparivattanaṃ viya diṭṭhitaṇhāya sakkāye baddhassa puthujjanassa sakkāyānuparivattanaṃ veditabbaṃ. Sattamaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౭. గద్దులబద్ధసుత్తం • 7. Gaddulabaddhasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౭. గద్దులబద్ధసుత్తవణ్ణనా • 7. Gaddulabaddhasuttavaṇṇanā
