| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৭. গদ্দুলবদ্ধসুত্তৰণ্ণনা
7. Gaddulabaddhasuttavaṇṇanā
৯৯. যং মহাসমুদ্দোতি এত্থ যন্তি সমযস্স পচ্চামসনং। ভুম্মত্থে চেতং পচ্চত্তৰচনন্তি আহ ‘‘যস্মিং সমযে’’তি। সো চ সমযো অযন্তি দস্সেন্তো ‘‘পঞ্চমে সূরিযে উট্ঠিতে’’তি আহ। পরিচ্ছেদং ন ৰদামি পরিচ্ছেদকারিকায অগ্গমগ্গৰিজ্জায অনধিগতত্তা। সুনখো ৰিয ৰট্টনিস্সিতো বালো অসৰসভাৰতো। গদ্দুলো ৰিয দিট্ঠিবন্ধো। সক্কাযো তস্স অসৰসভাৰতো। পুথুজ্জনস্স সক্কাযানুপরিৰত্তনন্তি ‘‘সন্তানে সত্তৰোহারো’’তি তং ততো অঞ্ঞং কত্ৰা ভেদেন নিদ্দেসো।
99.Yaṃ mahāsamuddoti ettha yanti samayassa paccāmasanaṃ. Bhummatthe cetaṃ paccattavacananti āha ‘‘yasmiṃ samaye’’ti. So ca samayo ayanti dassento ‘‘pañcame sūriye uṭṭhite’’ti āha. Paricchedaṃ na vadāmi paricchedakārikāya aggamaggavijjāya anadhigatattā. Sunakho viya vaṭṭanissito bālo asavasabhāvato. Gaddulo viya diṭṭhibandho. Sakkāyo tassa asavasabhāvato. Puthujjanassa sakkāyānuparivattananti ‘‘santāne sattavohāro’’ti taṃ tato aññaṃ katvā bhedena niddeso.
গদ্দুলবদ্ধসুত্তৰণ্ণনা নিট্ঠিতা।
Gaddulabaddhasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৭. গদ্দুলবদ্ধসুত্তং • 7. Gaddulabaddhasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৭. গদ্দুলবদ্ধসুত্তৰণ্ণনা • 7. Gaddulabaddhasuttavaṇṇanā
