| Library / Tipiṭaka / តិបិដក • Tipiṭaka / ឧទានបាឡិ • Udānapāḷi |
៦. គព្ភិនីសុត្តំ
6. Gabbhinīsuttaṃ
១៦. ឯវំ មេ សុតំ – ឯកំ សមយំ ភគវា សាវត្ថិយំ វិហរតិ ជេតវនេ អនាថបិណ្ឌិកស្ស អារាមេ។ តេន ខោ បន សមយេន អញ្ញតរស្ស បរិព្ពាជកស្ស ទហរមាណវិកា បជាបតិ ហោតិ គព្ភិនី ឧបវិជញ្ញា។ អថ ខោ សា បរិព្ពាជិកា តំ បរិព្ពាជកំ ឯតទវោច – ‘‘គច្ឆ ត្វំ, ព្រាហ្មណ, តេលំ អាហរ, យំ មេ វិជាតាយ ភវិស្សតី’’តិ។
16. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññatarassa paribbājakassa daharamāṇavikā pajāpati hoti gabbhinī upavijaññā. Atha kho sā paribbājikā taṃ paribbājakaṃ etadavoca – ‘‘gaccha tvaṃ, brāhmaṇa, telaṃ āhara, yaṃ me vijātāya bhavissatī’’ti.
ឯវំ វុត្តេ, សោ បរិព្ពាជកោ តំ បរិព្ពាជិកំ ឯតទវោច – ‘‘កុតោ បនាហំ, ភោតិ 1, តេលំ អាហរាមី’’តិ? ទុតិយម្បិ ខោ សា បរិព្ពាជិកា តំ បរិព្ពាជកំ ឯតទវោច – ‘‘គច្ឆ ត្វំ, ព្រាហ្មណ, តេលំ អាហរ, យំ មេ វិជាតាយ ភវិស្សតី’’តិ។ ទុតិយម្បិ ខោ សោ បរិព្ពាជិកោ តំ បរិព្ពាជិកំ ឯតទវោច – ‘‘កុតោ បនាហំ, ភោតិ, តេលំ អាហរាមី’’តិ? តតិយម្បិ ខោ សា បរិព្ពាជិកា តំ បរិព្ពាជកំ ឯតទវោច – ‘‘គច្ឆ ត្វំ, ព្រាហ្មណ, តេលំ អាហរ, យំ មេ វិជាតាយ ភវិស្សតី’’តិ។
Evaṃ vutte, so paribbājako taṃ paribbājikaṃ etadavoca – ‘‘kuto panāhaṃ, bhoti 2, telaṃ āharāmī’’ti? Dutiyampi kho sā paribbājikā taṃ paribbājakaṃ etadavoca – ‘‘gaccha tvaṃ, brāhmaṇa, telaṃ āhara, yaṃ me vijātāya bhavissatī’’ti. Dutiyampi kho so paribbājiko taṃ paribbājikaṃ etadavoca – ‘‘kuto panāhaṃ, bhoti, telaṃ āharāmī’’ti? Tatiyampi kho sā paribbājikā taṃ paribbājakaṃ etadavoca – ‘‘gaccha tvaṃ, brāhmaṇa, telaṃ āhara, yaṃ me vijātāya bhavissatī’’ti.
តេន ខោ បន សមយេន រញ្ញោ បសេនទិស្ស កោសលស្ស កោដ្ឋាគារេ សមណស្ស វា ព្រាហ្មណស្ស វា សប្បិស្ស វា តេលស្ស វា យាវទត្ថំ បាតុំ ទីយតិ 3, នោ នីហរិតុំ។
Tena kho pana samayena rañño pasenadissa kosalassa koṭṭhāgāre samaṇassa vā brāhmaṇassa vā sappissa vā telassa vā yāvadatthaṃ pātuṃ dīyati 4, no nīharituṃ.
អថ ខោ តស្ស បរិព្ពាជកស្ស ឯតទហោសិ – ‘‘រញ្ញោ ខោ បន បសេនទិស្ស កោសលស្ស កោដ្ឋាគារេ សមណស្ស វា ព្រាហ្មណស្ស វា សប្បិស្ស វា តេលស្ស វា យាវទត្ថំ បាតុំ ទីយតិ, នោ នីហរិតុំ។ យំនូនាហំ រញ្ញោ បសេនទិស្ស កោសលស្ស កោដ្ឋាគារំ គន្ត្វា តេលស្ស យាវទត្ថំ បិវិត្វា ឃរំ អាគន្ត្វា ឧច្ឆទ្ទិត្វាន 5 ទទេយ្យំ, យំ ឥមិស្សា វិជាតាយ ភវិស្សតី’’តិ។
Atha kho tassa paribbājakassa etadahosi – ‘‘rañño kho pana pasenadissa kosalassa koṭṭhāgāre samaṇassa vā brāhmaṇassa vā sappissa vā telassa vā yāvadatthaṃ pātuṃ dīyati, no nīharituṃ. Yaṃnūnāhaṃ rañño pasenadissa kosalassa koṭṭhāgāraṃ gantvā telassa yāvadatthaṃ pivitvā gharaṃ āgantvā ucchadditvāna 6 dadeyyaṃ, yaṃ imissā vijātāya bhavissatī’’ti.
អថ ខោ សោ បរិព្ពាជកោ រញ្ញោ បសេនទិស្ស កោសលស្ស កោដ្ឋាគារំ គន្ត្វា តេលស្ស យាវទត្ថំ បិវិត្វា ឃរំ អាគន្ត្វា នេវ សក្កោតិ ឧទ្ធំ កាតុំ, ន បន អធោ។ សោ ទុក្ខាហិ តិព្ពាហិ 7 ខរាហិ កដុកាហិ វេទនាហិ ផុដ្ឋោ អាវដ្ដតិ បរិវដ្ដតិ។
Atha kho so paribbājako rañño pasenadissa kosalassa koṭṭhāgāraṃ gantvā telassa yāvadatthaṃ pivitvā gharaṃ āgantvā neva sakkoti uddhaṃ kātuṃ, na pana adho. So dukkhāhi tibbāhi 8 kharāhi kaṭukāhi vedanāhi phuṭṭho āvaṭṭati parivaṭṭati.
អថ ខោ ភគវា បុព្ពណ្ហសមយំ និវាសេត្វា បត្តចីវរមាទាយ សាវត្ថិំ បិណ្ឌាយ បាវិសិ។ អទ្ទសា ខោ ភគវា តំ បរិព្ពាជកំ ទុក្ខាហិ តិព្ពាហិ ខរាហិ កដុកាហិ វេទនាហិ ផុដ្ឋំ អាវដ្ដមានំ បរិវដ្ដមានំ។
Atha kho bhagavā pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisi. Addasā kho bhagavā taṃ paribbājakaṃ dukkhāhi tibbāhi kharāhi kaṭukāhi vedanāhi phuṭṭhaṃ āvaṭṭamānaṃ parivaṭṭamānaṃ.
អថ ខោ ភគវា ឯតមត្ថំ វិទិត្វា តាយំ វេលាយំ ឥមំ ឧទានំ ឧទានេសិ –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘សុខិនោ វត យេ អកិញ្ចនា,
‘‘Sukhino vata ye akiñcanā,
វេទគុនោ ហិ ជនា អកិញ្ចនា;
Vedaguno hi janā akiñcanā;
សកិញ្ចនំ បស្ស វិហញ្ញមានំ,
Sakiñcanaṃ passa vihaññamānaṃ,
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ឧទាន-អដ្ឋកថា • Udāna-aṭṭhakathā / ៦. គព្ភិនីសុត្តវណ្ណនា • 6. Gabbhinīsuttavaṇṇanā
