| Library / Tipiṭaka / তিপিটক • Tipiṭaka / মহাৰগ্গপাল়ি • Mahāvaggapāḷi |
৬২. গব্ভৰীসূপসম্পদানুজাননা
62. Gabbhavīsūpasampadānujānanā
১২৪. তেন খো পন সমযেন আযস্মা কুমারকস্সপো গব্ভৰীসো উপসম্পন্নো অহোসি। অথ খো আযস্মতো কুমারকস্সপস্স এতদহোসি – ‘‘ভগৰতা পঞ্ঞত্তং ‘ন ঊনৰীসতিৰস্সো পুগ্গলো উপসম্পাদেতব্বো’তি। অহঞ্চম্হি গব্ভৰীসো উপসম্পন্নো। উপসম্পন্নো নু খোম্হি, ননু খো উপসম্পন্নো’’তি? ভগৰতো এতমত্থং আরোচেসুং। যং, ভিক্খৰে, মাতুকুচ্ছিস্মিং পঠমং চিত্তং উপ্পন্নং, পঠমং ৰিঞ্ঞাণং পাতুভূতং , তদুপাদায সাৰস্স জাতি। অনুজানামি, ভিক্খৰে, গব্ভৰীসং উপসম্পাদেতুন্তি।
124. Tena kho pana samayena āyasmā kumārakassapo gabbhavīso upasampanno ahosi. Atha kho āyasmato kumārakassapassa etadahosi – ‘‘bhagavatā paññattaṃ ‘na ūnavīsativasso puggalo upasampādetabbo’ti. Ahañcamhi gabbhavīso upasampanno. Upasampanno nu khomhi, nanu kho upasampanno’’ti? Bhagavato etamatthaṃ ārocesuṃ. Yaṃ, bhikkhave, mātukucchismiṃ paṭhamaṃ cittaṃ uppannaṃ, paṭhamaṃ viññāṇaṃ pātubhūtaṃ , tadupādāya sāvassa jāti. Anujānāmi, bhikkhave, gabbhavīsaṃ upasampādetunti.
