| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
เอฬกโลมสมุฎฺฐานวณฺณนา
Eḷakalomasamuṭṭhānavaṇṇanā
๒๖๓. ‘‘เอฬกโลมา’’ติ อิทํ เอฬกโลมสมุฎฺฐานํ นาม เอกํ สมุฎฺฐานสีสํฯ อิโตติ ยถาวุตฺตโตฯ ปาฬินฺติ มาติกาปาฬิํฯ วิรชฺฌิตฺวาติ ปุพฺพาปรโต วิราเธตฺวาฯ ยถาติ เยนากาเรน ฯ ปนสโทฺท อนุคฺคหโตฺถฯ กิญฺจาปิ ลิขนฺติ, ปน ตถาปีติ โยชนาฯ เอวนฺติ ตถากาเรนฯ อตฺถานุกฺกโมติ อตฺถสฺส อนุกฺกโมฯ
263.‘‘Eḷakalomā’’ti idaṃ eḷakalomasamuṭṭhānaṃ nāma ekaṃ samuṭṭhānasīsaṃ. Itoti yathāvuttato. Pāḷinti mātikāpāḷiṃ. Virajjhitvāti pubbāparato virādhetvā. Yathāti yenākārena . Panasaddo anuggahattho. Kiñcāpi likhanti, pana tathāpīti yojanā. Evanti tathākārena. Atthānukkamoti atthassa anukkamo.
‘‘อภิกฺขุกาวา เสน จา’’ติ เอตํ วจนํ วุตฺตนฺติ สมฺพโนฺธฯ ‘‘อภิกฺขุเก อาวาเส วสฺสํ วเสยฺยา’’ติ (ปาจิ. ๑๐๔๗) อิทํ วจนํ สนฺธายาติ สมฺพโนฺธฯ ‘‘ภิกฺขุนี’’ติอาทินา วุตฺตานีติ สมฺพโนฺธฯ อาทิสเทฺทน ‘‘สิกฺขมานา จ สามเณรี คิหินิยา’’ติ ปาฐํ สงฺคณฺหาติฯ
‘‘Abhikkhukāvā sena cā’’ti etaṃ vacanaṃ vuttanti sambandho. ‘‘Abhikkhuke āvāse vassaṃ vaseyyā’’ti (pāci. 1047) idaṃ vacanaṃ sandhāyāti sambandho. ‘‘Bhikkhunī’’tiādinā vuttānīti sambandho. Ādisaddena ‘‘sikkhamānā ca sāmaṇerī gihiniyā’’ti pāṭhaṃ saṅgaṇhāti.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi / ๖. เอฬกโลมสมุฎฺฐานํ • 6. Eḷakalomasamuṭṭhānaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ปริวาร-อฎฺฐกถา • Parivāra-aṭṭhakathā / เอฬกโลมสมุฎฺฐานวณฺณนา • Eḷakalomasamuṭṭhānavaṇṇanā
