| Library / Tipiṭaka / တိပိဋက • Tipiṭaka / ပရိဝာရပာဠိ • Parivārapāḷi |
၆. ဧဠကလောမသမုဋ္ဌာနံ
6. Eḷakalomasamuṭṭhānaṃ
၂၆၃.
263.
ဧဠကလောမာ ဒ္ဝေ သေယ္ယာ၊ အာဟစ္စ ပိဏ္ဍဘောဇနံ။
Eḷakalomā dve seyyā, āhacca piṇḍabhojanaṃ;
ဂဏဝိကာလသန္နိဓိ၊ ဒန္တပောနေန စေလကာ။
Gaṇavikālasannidhi, dantaponena celakā.
ဒုဗ္ဗဏ္ဏေ ဒ္ဝေ ဒေသနိကာ၊ လသုဏုပတိဋ္ဌေ နစ္စနာ။
Dubbaṇṇe dve desanikā, lasuṇupatiṭṭhe naccanā.
န္ဟာနမတ္ထရဏံ သေယ္ယာ၊ အန္တောရဋ္ဌေ တထာ ဗဟိ။
Nhānamattharaṇaṃ seyyā, antoraṭṭhe tathā bahi;
အန္တောဝသ္သံ စိတ္တာဂာရံ၊ အာသန္ဒိ သုတ္တကန္တနာ။
Antovassaṃ cittāgāraṃ, āsandi suttakantanā.
ဝေယ္ယာဝစ္စံ သဟတ္ထာ စ၊ အဘိက္ခုကာဝာသေန စ။
Veyyāvaccaṃ sahatthā ca, abhikkhukāvāsena ca;
ဆတ္တံ ယာနဉ္စ သင္ဃာဏိံ၊ အလင္ကာရံ ဂန္ဓဝာသိတံ။
Chattaṃ yānañca saṅghāṇiṃ, alaṅkāraṃ gandhavāsitaṃ.
ဘိက္ခုနီ သိက္ခမာနာ စ၊ သာမဏေရီ ဂိဟိနိယာ။
Bhikkhunī sikkhamānā ca, sāmaṇerī gihiniyā;
အသံကစ္စိကာ အာပတ္တိ၊ စတ္တာရီသာ စတုတ္တရိ။
Asaṃkaccikā āpatti, cattārīsā catuttari.
ကာယေန န ဝာစာစိတ္တေန၊ ကာယစိတ္တေန န ဝာစတော။
Kāyena na vācācittena, kāyacittena na vācato;
ဒ္ဝိသမုဋ္ဌာနိကာ သဗ္ဗေ၊ သမာ ဧဠကလောမိကာတိ။
Dvisamuṭṭhānikā sabbe, samā eḷakalomikāti.
ဧဠကလောမသမုဋ္ဌာနံ နိဋ္ဌိတံ။
Eḷakalomasamuṭṭhānaṃ niṭṭhitaṃ.
Footnotes:
Related texts:
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā / ဧဠကလောမသမုဋ္ဌာနဝဏ္ဏနာ • Eḷakalomasamuṭṭhānavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ဧဠကလောမသမုဋ္ဌာနဝဏ္ဏနာ • Eḷakalomasamuṭṭhānavaṇṇanā
