| Library / Tipiṭaka / तिपिटक • Tipiṭaka / परिवारपाळि • Parivārapāḷi |
६. एळकलोमसमुट्ठानं
6. Eḷakalomasamuṭṭhānaṃ
२६३.
263.
एळकलोमा द्वे सेय्या, आहच्च पिण्डभोजनं।
Eḷakalomā dve seyyā, āhacca piṇḍabhojanaṃ;
गणविकालसन्निधि, दन्तपोनेन चेलका॥
Gaṇavikālasannidhi, dantaponena celakā.
दुब्बण्णे द्वे देसनिका, लसुणुपतिट्ठे नच्चना॥
Dubbaṇṇe dve desanikā, lasuṇupatiṭṭhe naccanā.
न्हानमत्थरणं सेय्या, अन्तोरट्ठे तथा बहि।
Nhānamattharaṇaṃ seyyā, antoraṭṭhe tathā bahi;
अन्तोवस्सं चित्तागारं, आसन्दि सुत्तकन्तना॥
Antovassaṃ cittāgāraṃ, āsandi suttakantanā.
वेय्यावच्चं सहत्था च, अभिक्खुकावासेन च।
Veyyāvaccaṃ sahatthā ca, abhikkhukāvāsena ca;
छत्तं यानञ्च सङ्घाणिं, अलङ्कारं गन्धवासितं॥
Chattaṃ yānañca saṅghāṇiṃ, alaṅkāraṃ gandhavāsitaṃ.
भिक्खुनी सिक्खमाना च, सामणेरी गिहिनिया।
Bhikkhunī sikkhamānā ca, sāmaṇerī gihiniyā;
असंकच्चिका आपत्ति, चत्तारीसा चतुत्तरि॥
Asaṃkaccikā āpatti, cattārīsā catuttari.
कायेन न वाचाचित्तेन, कायचित्तेन न वाचतो।
Kāyena na vācācittena, kāyacittena na vācato;
द्विसमुट्ठानिका सब्बे, समा एळकलोमिकाति॥
Dvisamuṭṭhānikā sabbe, samā eḷakalomikāti.
एळकलोमसमुट्ठानं निट्ठितं।
Eḷakalomasamuṭṭhānaṃ niṭṭhitaṃ.
Footnotes:
Related texts:
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / परिवार-अट्ठकथा • Parivāra-aṭṭhakathā / एळकलोमसमुट्ठानवण्णना • Eḷakalomasamuṭṭhānavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / एळकलोमसमुट्ठानवण्णना • Eḷakalomasamuṭṭhānavaṇṇanā
