| Library / Tipiṭaka / তিপিটক • Tipiṭaka / পরিৰারপাল়ি • Parivārapāḷi |
৬. এল়কলোমসমুট্ঠানং
6. Eḷakalomasamuṭṭhānaṃ
২৬৩.
263.
এল়কলোমা দ্ৰে সেয্যা, আহচ্চ পিণ্ডভোজনং।
Eḷakalomā dve seyyā, āhacca piṇḍabhojanaṃ;
গণৰিকালসন্নিধি, দন্তপোনেন চেলকা॥
Gaṇavikālasannidhi, dantaponena celakā.
দুব্বণ্ণে দ্ৰে দেসনিকা, লসুণুপতিট্ঠে নচ্চনা॥
Dubbaṇṇe dve desanikā, lasuṇupatiṭṭhe naccanā.
ন্হানমত্থরণং সেয্যা, অন্তোরট্ঠে তথা বহি।
Nhānamattharaṇaṃ seyyā, antoraṭṭhe tathā bahi;
অন্তোৰস্সং চিত্তাগারং, আসন্দি সুত্তকন্তনা॥
Antovassaṃ cittāgāraṃ, āsandi suttakantanā.
ৰেয্যাৰচ্চং সহত্থা চ, অভিক্খুকাৰাসেন চ।
Veyyāvaccaṃ sahatthā ca, abhikkhukāvāsena ca;
ছত্তং যানঞ্চ সঙ্ঘাণিং, অলঙ্কারং গন্ধৰাসিতং॥
Chattaṃ yānañca saṅghāṇiṃ, alaṅkāraṃ gandhavāsitaṃ.
ভিক্খুনী সিক্খমানা চ, সামণেরী গিহিনিযা।
Bhikkhunī sikkhamānā ca, sāmaṇerī gihiniyā;
অসংকচ্চিকা আপত্তি, চত্তারীসা চতুত্তরি॥
Asaṃkaccikā āpatti, cattārīsā catuttari.
কাযেন ন ৰাচাচিত্তেন, কাযচিত্তেন ন ৰাচতো।
Kāyena na vācācittena, kāyacittena na vācato;
দ্ৰিসমুট্ঠানিকা সব্বে, সমা এল়কলোমিকাতি॥
Dvisamuṭṭhānikā sabbe, samā eḷakalomikāti.
এল়কলোমসমুট্ঠানং নিট্ঠিতং।
Eḷakalomasamuṭṭhānaṃ niṭṭhitaṃ.
Footnotes:
Related texts:
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / পরিৰার-অট্ঠকথা • Parivāra-aṭṭhakathā / এল়কলোমসমুট্ঠানৰণ্ণনা • Eḷakalomasamuṭṭhānavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / এল়কলোমসমুট্ঠানৰণ্ণনা • Eḷakalomasamuṭṭhānavaṇṇanā
