| Library / Tipiṭaka / ਤਿਪਿਟਕ • Tipiṭaka / ਧਮ੍ਮਸਙ੍ਗਣਿ-ਅਟ੍ਠਕਥਾ • Dhammasaṅgaṇi-aṭṭhakathā |
ਏਕવਿਧਰੂਪਸਙ੍ਗਹੋ
Ekavidharūpasaṅgaho
ਇਦਾਨਿ ਤਂ વਿਤ੍ਥਾਰਤੋ ਦਸ੍ਸੇਤੁਂ ਏਕવਿਧਾਦੀਹਿ ਏਕਾਦਸਹਿ ਸਙ੍ਗਹੇਹਿ ਮਾਤਿਕਂ ਠਪੇਨ੍ਤੋ ਸਬ੍ਬਂ ਰੂਪਂ ਨ ਹੇਤੂਤਿਆਦਿਮਾਹ।
Idāni taṃ vitthārato dassetuṃ ekavidhādīhi ekādasahi saṅgahehi mātikaṃ ṭhapento sabbaṃ rūpaṃ na hetūtiādimāha.
ਤਤ੍ਥ ‘ਸਬ੍ਬਂ ਰੂਪ’ਨ੍ਤਿ ਇਦਂ ਪਦਂ ‘ਸਬ੍ਬਂ ਰੂਪਂ ਨ ਹੇਤੁ’ ‘ਸਬ੍ਬਂ ਰੂਪਂ ਅਹੇਤੁਕ’ਨ੍ਤਿ ਏવਂ ਸਬ੍ਬਪਦੇਹਿ ਸਦ੍ਧਿਂ ਯੋਜੇਤਬ੍ਬਂ। ਸਬ੍ਬਾਨੇવ ਚੇਤਾਨਿ ‘ਨ ਹੇਤੂ’ਤਿਆਦੀਨਿ ਤੇਚਤ੍ਤਾਲੀਸਪਦਾਨਿ ਉਦ੍ਦਿਟ੍ਠਾਨਿ। ਤੇਸੁ ਪਟਿਪਾਟਿਯਾ ਚਤ੍ਤਾਲੀਸਪਦਾਨਿ ਮਾਤਿਕਤੋ ਗਹੇਤ੍વਾ ਠਪਿਤਾਨਿ, ਅવਸਾਨੇ ਤੀਣਿ ਮਾਤਿਕਾਮੁਤ੍ਤਕਾਨੀਤਿ। ਏવਂ ਤਾવ ਪਠਮੇ ਸਙ੍ਗਹੇ ਪਾਲ਼ਿવવਤ੍ਥਾਨਮੇવ વੇਦਿਤਬ੍ਬਂ। ਤਥਾ ਦੁਤਿਯਸਙ੍ਗਹਾਦੀਸੁ।
Tattha ‘sabbaṃ rūpa’nti idaṃ padaṃ ‘sabbaṃ rūpaṃ na hetu’ ‘sabbaṃ rūpaṃ ahetuka’nti evaṃ sabbapadehi saddhiṃ yojetabbaṃ. Sabbāneva cetāni ‘na hetū’tiādīni tecattālīsapadāni uddiṭṭhāni. Tesu paṭipāṭiyā cattālīsapadāni mātikato gahetvā ṭhapitāni, avasāne tīṇi mātikāmuttakānīti. Evaṃ tāva paṭhame saṅgahe pāḷivavatthānameva veditabbaṃ. Tathā dutiyasaṅgahādīsu.
