| Library / Tipiṭaka / ཏིཔིཊཀ • Tipiṭaka / དྷམྨསངྒཎི-ཨཊྛཀཐཱ • Dhammasaṅgaṇi-aṭṭhakathā |
ཨེཀཝིདྷརཱུཔསངྒཧོ
Ekavidharūpasaṅgaho
ཨིདཱནི ཏཾ ཝིཏྠཱརཏོ དསྶེཏུཾ ཨེཀཝིདྷཱདཱིཧི ཨེཀཱདསཧི སངྒཧེཧི མཱཏིཀཾ ཋཔེནྟོ སབྦཾ རཱུཔཾ ན ཧེཏཱུཏིཨཱདིམཱཧ།
Idāni taṃ vitthārato dassetuṃ ekavidhādīhi ekādasahi saṅgahehi mātikaṃ ṭhapento sabbaṃ rūpaṃ na hetūtiādimāha.
ཏཏྠ ‘སབྦཾ རཱུཔ’ནྟི ཨིདཾ པདཾ ‘སབྦཾ རཱུཔཾ ན ཧེཏུ’ ‘སབྦཾ རཱུཔཾ ཨཧེཏུཀ’ནྟི ཨེཝཾ སབྦཔདེཧི སདྡྷིཾ ཡོཛེཏབྦཾ། སབྦཱནེཝ ཙེཏཱནི ‘ན ཧེཏཱུ’ཏིཨཱདཱིནི ཏེཙཏྟཱལཱིསཔདཱནི ཨུདྡིཊྛཱནི། ཏེསུ པཊིཔཱཊིཡཱ ཙཏྟཱལཱིསཔདཱནི མཱཏིཀཏོ གཧེཏྭཱ ཋཔིཏཱནི, ཨཝསཱནེ ཏཱིཎི མཱཏིཀཱམུཏྟཀཱནཱིཏི། ཨེཝཾ ཏཱཝ པཋམེ སངྒཧེ པཱལི༹ཝཝཏྠཱནམེཝ ཝེདིཏབྦཾ། ཏཐཱ དུཏིཡསངྒཧཱདཱིསུ།
Tattha ‘sabbaṃ rūpa’nti idaṃ padaṃ ‘sabbaṃ rūpaṃ na hetu’ ‘sabbaṃ rūpaṃ ahetuka’nti evaṃ sabbapadehi saddhiṃ yojetabbaṃ. Sabbāneva cetāni ‘na hetū’tiādīni tecattālīsapadāni uddiṭṭhāni. Tesu paṭipāṭiyā cattālīsapadāni mātikato gahetvā ṭhapitāni, avasāne tīṇi mātikāmuttakānīti. Evaṃ tāva paṭhame saṅgahe pāḷivavatthānameva veditabbaṃ. Tathā dutiyasaṅgahādīsu.
