| Library / Tipiṭaka / તિપિટક • Tipiṭaka / ધમ્મસઙ્ગણિ-અટ્ઠકથા • Dhammasaṅgaṇi-aṭṭhakathā |
એકવિધરૂપસઙ્ગહો
Ekavidharūpasaṅgaho
ઇદાનિ તં વિત્થારતો દસ્સેતું એકવિધાદીહિ એકાદસહિ સઙ્ગહેહિ માતિકં ઠપેન્તો સબ્બં રૂપં ન હેતૂતિઆદિમાહ.
Idāni taṃ vitthārato dassetuṃ ekavidhādīhi ekādasahi saṅgahehi mātikaṃ ṭhapento sabbaṃ rūpaṃ na hetūtiādimāha.
તત્થ ‘સબ્બં રૂપ’ન્તિ ઇદં પદં ‘સબ્બં રૂપં ન હેતુ’ ‘સબ્બં રૂપં અહેતુક’ન્તિ એવં સબ્બપદેહિ સદ્ધિં યોજેતબ્બં. સબ્બાનેવ ચેતાનિ ‘ન હેતૂ’તિઆદીનિ તેચત્તાલીસપદાનિ ઉદ્દિટ્ઠાનિ. તેસુ પટિપાટિયા ચત્તાલીસપદાનિ માતિકતો ગહેત્વા ઠપિતાનિ, અવસાને તીણિ માતિકામુત્તકાનીતિ. એવં તાવ પઠમે સઙ્ગહે પાળિવવત્થાનમેવ વેદિતબ્બં. તથા દુતિયસઙ્ગહાદીસુ.
Tattha ‘sabbaṃ rūpa’nti idaṃ padaṃ ‘sabbaṃ rūpaṃ na hetu’ ‘sabbaṃ rūpaṃ ahetuka’nti evaṃ sabbapadehi saddhiṃ yojetabbaṃ. Sabbāneva cetāni ‘na hetū’tiādīni tecattālīsapadāni uddiṭṭhāni. Tesu paṭipāṭiyā cattālīsapadāni mātikato gahetvā ṭhapitāni, avasāne tīṇi mātikāmuttakānīti. Evaṃ tāva paṭhame saṅgahe pāḷivavatthānameva veditabbaṃ. Tathā dutiyasaṅgahādīsu.
