| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
4. ஏகாஸனதா³யிகாதே²ரீஅபதா³னங்
4. Ekāsanadāyikātherīapadānaṃ
37.
37.
மாதா ச மே பிதா சேவ, கம்மந்தங் அக³மங்ஸு தே.
Mātā ca me pitā ceva, kammantaṃ agamaṃsu te.
38.
38.
‘‘மஜ்ஜ²ன்ஹிகம்ஹி ஸூரியே, அத்³த³ஸங் ஸமணங் அஹங்;
‘‘Majjhanhikamhi sūriye, addasaṃ samaṇaṃ ahaṃ;
வீதி²யா அனுக³ச்ச²ந்தங், ஆஸனங் பஞ்ஞபேஸஹங்.
Vīthiyā anugacchantaṃ, āsanaṃ paññapesahaṃ.
39.
39.
பஸன்னசித்தா ஸுமனா, இத³ங் வசனமப்³ரவிங்.
Pasannacittā sumanā, idaṃ vacanamabraviṃ.
40.
40.
‘‘‘ஸந்தத்தா குதி²தா பூ⁴மி, ஸூரோ மஜ்ஜ²ன்ஹிகே டி²தோ;
‘‘‘Santattā kuthitā bhūmi, sūro majjhanhike ṭhito;
41.
41.
‘‘‘பஞ்ஞத்தமாஸனமித³ங், தவத்தா²ய மஹாமுனி;
‘‘‘Paññattamāsanamidaṃ, tavatthāya mahāmuni;
அனுகம்பங் உபாதா³ய, நிஸீத³ மம ஆஸனே’.
Anukampaṃ upādāya, nisīda mama āsane’.
42.
42.
‘‘நிஸீதி³ தத்த² ஸமணோ, ஸுத³ந்தோ ஸுத்³த⁴மானஸோ;
‘‘Nisīdi tattha samaṇo, sudanto suddhamānaso;
தஸ்ஸ பத்தங் க³ஹெத்வான, யதா²ரந்த⁴ங் அதா³ஸஹங்.
Tassa pattaṃ gahetvāna, yathārandhaṃ adāsahaṃ.
43.
43.
‘‘தேன கம்மேன ஸுகதேன, சேதனாபணிதீ⁴ஹி ச;
‘‘Tena kammena sukatena, cetanāpaṇidhīhi ca;
ஜஹித்வா மானுஸங் தே³ஹங், தாவதிங்ஸமக³ச்ச²ஹங்.
Jahitvā mānusaṃ dehaṃ, tāvatiṃsamagacchahaṃ.
44.
44.
‘‘தத்த² மே ஸுகதங் ப்³யம்ஹங், ஆஸனேன ஸுனிம்மிதங்;
‘‘Tattha me sukataṃ byamhaṃ, āsanena sunimmitaṃ;
ஸட்டி²யோஜனமுப்³பே³த⁴ங், திங்ஸயோஜனவித்த²தங்.
Saṭṭhiyojanamubbedhaṃ, tiṃsayojanavitthataṃ.
45.
45.
‘‘ஸொண்ணமயா மணிமயா, அதோ²பி ப²லிகாமயா;
‘‘Soṇṇamayā maṇimayā, athopi phalikāmayā;
லோஹிதங்க³மயா சேவ, பல்லங்கா விவிதா⁴ மம.
Lohitaṅgamayā ceva, pallaṅkā vividhā mama.
46.
46.
‘‘தூலிகா விகதிகாஹி, கட்டிஸ்ஸசித்தகாஹி ச;
‘‘Tūlikā vikatikāhi, kaṭṭissacittakāhi ca;
47.
47.
‘‘யதா³ இச்சா²மி க³மனங், ஹாஸகி²ட்³ட³ஸமப்பிதா;
‘‘Yadā icchāmi gamanaṃ, hāsakhiḍḍasamappitā;
ஸஹ பல்லங்கஸெட்டே²ன, க³ச்சா²மி மம பத்தி²தங்.
Saha pallaṅkaseṭṭhena, gacchāmi mama patthitaṃ.
48.
48.
‘‘அஸீதி தே³வராஜூனங், மஹேஸித்தமகாரயிங்;
‘‘Asīti devarājūnaṃ, mahesittamakārayiṃ;
ஸத்ததி சக்கவத்தீனங், மஹேஸித்தமகாரயிங்.
Sattati cakkavattīnaṃ, mahesittamakārayiṃ.
49.
49.
‘‘ப⁴வாப⁴வே ஸங்ஸரந்தீ, மஹாபோ⁴க³ங் லபா⁴மஹங்;
‘‘Bhavābhave saṃsarantī, mahābhogaṃ labhāmahaṃ;
50.
50.
‘‘து³வே ப⁴வே ஸங்ஸராமி, தே³வத்தே அத² மானுஸே;
‘‘Duve bhave saṃsarāmi, devatte atha mānuse;
அஞ்ஞே ப⁴வே ந ஜானாமி, ஏகாஸனஸ்ஸித³ங் ப²லங்.
Aññe bhave na jānāmi, ekāsanassidaṃ phalaṃ.
51.
51.
‘‘து³வே குலே பஜாயாமி, க²த்தியே சாபி ப்³ராஹ்மணே;
‘‘Duve kule pajāyāmi, khattiye cāpi brāhmaṇe;
52.
52.
‘‘தோ³மனஸ்ஸங் ந ஜானாமி, சித்தஸந்தாபனங் மம;
‘‘Domanassaṃ na jānāmi, cittasantāpanaṃ mama;
வேவண்ணியங் ந ஜானாமி, ஏகாஸனஸ்ஸித³ங் ப²லங்.
Vevaṇṇiyaṃ na jānāmi, ekāsanassidaṃ phalaṃ.
53.
53.
‘‘தா⁴தியோ மங் உபட்ட²ந்தி, கு²ஜ்ஜா சேலாபிகா 13 ப³ஹூ;
‘‘Dhātiyo maṃ upaṭṭhanti, khujjā celāpikā 14 bahū;
அங்கேன அங்கங் க³ச்சா²மி, ஏகாஸனஸ்ஸித³ங் ப²லங்.
Aṅkena aṅkaṃ gacchāmi, ekāsanassidaṃ phalaṃ.
54.
54.
‘‘அஞ்ஞா ந்ஹாபெந்தி போ⁴ஜெந்தி, அஞ்ஞா ரமெந்தி மங் ஸதா³;
‘‘Aññā nhāpenti bhojenti, aññā ramenti maṃ sadā;
அஞ்ஞா க³ந்த⁴ங் விலிம்பந்தி, ஏகாஸனஸ்ஸித³ங் ப²லங் 15.
Aññā gandhaṃ vilimpanti, ekāsanassidaṃ phalaṃ 16.
55.
55.
‘‘மண்ட³பே ருக்க²மூலே வா, ஸுஞ்ஞாகா³ரே வஸந்தியா;
‘‘Maṇḍape rukkhamūle vā, suññāgāre vasantiyā;
மம ஸங்கப்பமஞ்ஞாய, பல்லங்கோ உபதிட்ட²தி.
Mama saṅkappamaññāya, pallaṅko upatiṭṭhati.
56.
56.
‘‘அயங் பச்சி²மகோ மய்ஹங், சரிமோ வத்ததே ப⁴வோ;
‘‘Ayaṃ pacchimako mayhaṃ, carimo vattate bhavo;
அஜ்ஜாபி ரஜ்ஜங் ச²ட்³டெ³த்வா, பப்³ப³ஜிங் அனகா³ரியங்.
Ajjāpi rajjaṃ chaḍḍetvā, pabbajiṃ anagāriyaṃ.
57.
57.
‘‘ஸதஸஹஸ்ஸிதோ கப்பே, யங் தா³னமத³தி³ங் ததா³;
‘‘Satasahassito kappe, yaṃ dānamadadiṃ tadā;
து³க்³க³திங் நாபி⁴ஜானாமி, ஏகாஸனஸ்ஸித³ங் ப²லங்.
Duggatiṃ nābhijānāmi, ekāsanassidaṃ phalaṃ.
58.
58.
‘‘கிலேஸா ஜா²பிதா மய்ஹங்…பே॰… விஹராமி அனாஸவா.
‘‘Kilesā jhāpitā mayhaṃ…pe… viharāmi anāsavā.
59.
59.
‘‘ஸ்வாக³தங் வத மே ஆஸி…பே॰… கதங் பு³த்³த⁴ஸ்ஸ ஸாஸனங்.
‘‘Svāgataṃ vata me āsi…pe… kataṃ buddhassa sāsanaṃ.
60.
60.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஏகாஸனதா³யிகா பி⁴க்கு²னீ இமா கா³தா²யோ அபா⁴ஸித்தா²தி.
Itthaṃ sudaṃ ekāsanadāyikā bhikkhunī imā gāthāyo abhāsitthāti.
ஏகாஸனதா³யிகாதே²ரியாபதா³னங் சதுத்த²ங்.
Ekāsanadāyikātheriyāpadānaṃ catutthaṃ.
Footnotes:
