| Library / Tipiṭaka / တိပိဋက • Tipiṭaka / ဇာတကပာဠိ • Jātakapāḷi |
၃၀၃. ဧကရာဇဇာတကံ (၄-၁-၃)
303. Ekarājajātakaṃ (4-1-3)
၉.
9.
အနုတ္တရေ ကာမဂုဏေ သမိဒ္ဓေ၊ ဘုတ္ဝာန ပုဗ္ဗေ ဝသီ ဧကရာဇ။
Anuttare kāmaguṇe samiddhe, bhutvāna pubbe vasī ekarāja;
သော ဒာနိ ဒုဂ္ဂေ နရကမ္ဟိ ခိတ္တော၊ နပ္ပဇ္ဇဟေ ဝဏ္ဏဗလံ ပုရာဏံ။
So dāni dugge narakamhi khitto, nappajjahe vaṇṇabalaṃ purāṇaṃ.
၁၀.
10.
ပုဗ္ဗေဝ ခန္တီ စ တပော စ မယ္ဟံ၊ သမ္ပတ္ထိတာ ဒုဗ္ဘိသေန 1 အဟောသိ။
Pubbeva khantī ca tapo ca mayhaṃ, sampatthitā dubbhisena 2 ahosi;
တံ ဒာနိ လဒ္ဓာန ကထံ နု ရာဇ၊ ဇဟေ အဟံ ဝဏ္ဏဗလံ ပုရာဏံ။
Taṃ dāni laddhāna kathaṃ nu rāja, jahe ahaṃ vaṇṇabalaṃ purāṇaṃ.
၁၁.
11.
သဗ္ဗာ ကိရေဝံ ပရိနိဋ္ဌိတာနိ၊ ယသသ္သိနံ ပညဝန္တံ ဝိသယ္ဟ။
Sabbā kirevaṃ pariniṭṭhitāni, yasassinaṃ paññavantaṃ visayha;
ယသော စ လဒ္ဓာ ပုရိမံ ဥဠာရံ၊ နပ္ပဇ္ဇဟေ ဝဏ္ဏဗလံ ပုရာဏံ။
Yaso ca laddhā purimaṃ uḷāraṃ, nappajjahe vaṇṇabalaṃ purāṇaṃ.
၁၂.
12.
ပနုဇ္ဇ ဒုက္ခေန သုခံ ဇနိန္ဒ၊ သုခေန ဝာ ဒုက္ခမသယ္ဟသာဟိ။
Panujja dukkhena sukhaṃ janinda, sukhena vā dukkhamasayhasāhi;
ဥဘယတ္ထ သန္တော အဘိနိဗ္ဗုတတ္တာ၊ သုခေ စ ဒုက္ခေ စ ဘဝန္တိ တုလ္ယာတိ။
Ubhayattha santo abhinibbutattā, sukhe ca dukkhe ca bhavanti tulyāti.
ဧကရာဇဇာတကံ တတိယံ။
Ekarājajātakaṃ tatiyaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ဇာတက-အဋ္ဌကထာ • Jātaka-aṭṭhakathā / [၃၀၃] ၃. ဧကရာဇဇာတကဝဏ္ဏနာ • [303] 3. Ekarājajātakavaṇṇanā
