| Library / Tipiṭaka / తిపిటక • Tipiṭaka / జాతకపాళి • Jātakapāḷi |
౩౦౩. ఏకరాజజాతకం (౪-౧-౩)
303. Ekarājajātakaṃ (4-1-3)
౯.
9.
అనుత్తరే కామగుణే సమిద్ధే, భుత్వాన పుబ్బే వసీ ఏకరాజ;
Anuttare kāmaguṇe samiddhe, bhutvāna pubbe vasī ekarāja;
సో దాని దుగ్గే నరకమ్హి ఖిత్తో, నప్పజ్జహే వణ్ణబలం పురాణం.
So dāni dugge narakamhi khitto, nappajjahe vaṇṇabalaṃ purāṇaṃ.
౧౦.
10.
పుబ్బేవ ఖన్తీ చ తపో చ మయ్హం, సమ్పత్థితా దుబ్భిసేన 1 అహోసి;
Pubbeva khantī ca tapo ca mayhaṃ, sampatthitā dubbhisena 2 ahosi;
తం దాని లద్ధాన కథం ను రాజ, జహే అహం వణ్ణబలం పురాణం.
Taṃ dāni laddhāna kathaṃ nu rāja, jahe ahaṃ vaṇṇabalaṃ purāṇaṃ.
౧౧.
11.
సబ్బా కిరేవం పరినిట్ఠితాని, యసస్సినం పఞ్ఞవన్తం విసయ్హ;
Sabbā kirevaṃ pariniṭṭhitāni, yasassinaṃ paññavantaṃ visayha;
యసో చ లద్ధా పురిమం ఉళారం, నప్పజ్జహే వణ్ణబలం పురాణం.
Yaso ca laddhā purimaṃ uḷāraṃ, nappajjahe vaṇṇabalaṃ purāṇaṃ.
౧౨.
12.
పనుజ్జ దుక్ఖేన సుఖం జనిన్ద, సుఖేన వా దుక్ఖమసయ్హసాహి;
Panujja dukkhena sukhaṃ janinda, sukhena vā dukkhamasayhasāhi;
ఉభయత్థ సన్తో అభినిబ్బుతత్తా, సుఖే చ దుక్ఖే చ భవన్తి తుల్యాతి.
Ubhayattha santo abhinibbutattā, sukhe ca dukkhe ca bhavanti tulyāti.
ఏకరాజజాతకం తతియం.
Ekarājajātakaṃ tatiyaṃ.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / ఖుద్దకనికాయ (అట్ఠకథా) • Khuddakanikāya (aṭṭhakathā) / జాతక-అట్ఠకథా • Jātaka-aṭṭhakathā / [౩౦౩] ౩. ఏకరాజజాతకవణ్ణనా • [303] 3. Ekarājajātakavaṇṇanā
