| Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi |
7. згабуд̇д̇агасуд̇д̇ам̣
7. Ekaputtakasuttaṃ
17. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇арасса убаасагасса згабуд̇д̇аго бияо манаабо гаалан̇гад̇о ход̇и.
17. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññatarassa upāsakassa ekaputtako piyo manāpo kālaṅkato hoti.
ат̇а ко самб̣ахулаа убаасагаа аллавад̇т̇аа аллагзсаа д̣̇иваа д̣̇ивасса язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннз ко д̇з убаасагз бхаг̇аваа зд̇ад̣̇авожа – ‘‘гим̣ ну ко д̇умхз, убаасагаа, аллавад̇т̇аа аллагзсаа ид̇хуубасан̇гаманд̇аа д̣̇иваа д̣̇ивассаа’’д̇и?
Atha kho sambahulā upāsakā allavatthā allakesā divā divassa yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinne kho te upāsake bhagavā etadavoca – ‘‘kiṃ nu kho tumhe, upāsakā, allavatthā allakesā idhūpasaṅkamantā divā divassā’’ti?
звам̣ вуд̇д̇з, со убаасаго бхаг̇аванд̇ам̣ зд̇ад̣̇авожа – ‘‘маяхам̣ ко, бханд̇з, згабуд̇д̇аго бияо манаабо гаалан̇гад̇о. д̇зна маяам̣ аллавад̇т̇аа аллагзсаа ид̇хуубасан̇гаманд̇аа д̣̇иваа д̣̇ивассаа’’д̇и.
Evaṃ vutte, so upāsako bhagavantaṃ etadavoca – ‘‘mayhaṃ kho, bhante, ekaputtako piyo manāpo kālaṅkato. Tena mayaṃ allavatthā allakesā idhūpasaṅkamantā divā divassā’’ti.
ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
д̣̇звагааяаа бут̇у мануссаа жа;
Devakāyā puthu manussā ca;
агхаавино бариж̇уннаа,
Aghāvino parijunnā,
мажжурааж̇асса васам̣ г̇ажчанд̇и.
Maccurājassa vasaṃ gacchanti.
‘‘яз вз д̣̇иваа жа рад̇д̇о жа,
‘‘Ye ve divā ca ratto ca,
аббамад̇д̇аа ж̇аханд̇и бияаруубам̣;
Appamattā jahanti piyarūpaṃ;
д̇з вз кан̣анд̇и агхамуулам̣,
Te ve khaṇanti aghamūlaṃ,
мажжуно аамисам̣ д̣̇урад̇ивад̇д̇а’’нд̇и. сад̇д̇амам̣;
Maccuno āmisaṃ durativatta’’nti. sattamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 7. згабуд̇д̇агасуд̇д̇аван̣н̣анаа • 7. Ekaputtakasuttavaṇṇanā
