| Library / Tipiṭaka / তিপিটক • Tipiṭaka / উদানপাল়ি • Udānapāḷi |
৭. একপুত্তকসুত্তং
7. Ekaputtakasuttaṃ
১৭. এৰং মে সুতং – একং সমযং ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। তেন খো পন সমযেন অঞ্ঞতরস্স উপাসকস্স একপুত্তকো পিযো মনাপো কালঙ্কতো হোতি।
17. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññatarassa upāsakassa ekaputtako piyo manāpo kālaṅkato hoti.
অথ খো সম্বহুলা উপাসকা অল্লৰত্থা অল্লকেসা দিৰা দিৰস্স যেন ভগৰা তেনুপসঙ্কমিংসু; উপসঙ্কমিত্ৰা ভগৰন্তং অভিৰাদেত্ৰা একমন্তং নিসীদিংসু। একমন্তং নিসিন্নে খো তে উপাসকে ভগৰা এতদৰোচ – ‘‘কিং নু খো তুম্হে, উপাসকা, অল্লৰত্থা অল্লকেসা ইধূপসঙ্কমন্তা দিৰা দিৰস্সা’’তি?
Atha kho sambahulā upāsakā allavatthā allakesā divā divassa yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinne kho te upāsake bhagavā etadavoca – ‘‘kiṃ nu kho tumhe, upāsakā, allavatthā allakesā idhūpasaṅkamantā divā divassā’’ti?
এৰং ৰুত্তে, সো উপাসকো ভগৰন্তং এতদৰোচ – ‘‘ময্হং খো, ভন্তে, একপুত্তকো পিযো মনাপো কালঙ্কতো। তেন মযং অল্লৰত্থা অল্লকেসা ইধূপসঙ্কমন্তা দিৰা দিৰস্সা’’তি।
Evaṃ vutte, so upāsako bhagavantaṃ etadavoca – ‘‘mayhaṃ kho, bhante, ekaputtako piyo manāpo kālaṅkato. Tena mayaṃ allavatthā allakesā idhūpasaṅkamantā divā divassā’’ti.
অথ খো ভগৰা এতমত্থং ৰিদিত্ৰা তাযং ৰেলাযং ইমং উদানং উদানেসি –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
দেৰকাযা পুথু মনুস্সা চ।
Devakāyā puthu manussā ca;
অঘাৰিনো পরিজুন্না,
Aghāvino parijunnā,
মচ্চুরাজস্স ৰসং গচ্ছন্তি॥
Maccurājassa vasaṃ gacchanti.
‘‘যে ৰে দিৰা চ রত্তো চ,
‘‘Ye ve divā ca ratto ca,
অপ্পমত্তা জহন্তি পিযরূপং।
Appamattā jahanti piyarūpaṃ;
তে ৰে খণন্তি অঘমূলং,
Te ve khaṇanti aghamūlaṃ,
মচ্চুনো আমিসং দুরতিৰত্ত’’ন্তি॥ সত্তমং।
Maccuno āmisaṃ durativatta’’nti. sattamaṃ;
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / উদান-অট্ঠকথা • Udāna-aṭṭhakathā / ৭. একপুত্তকসুত্তৰণ্ণনা • 7. Ekaputtakasuttavaṇṇanā
