| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
8. ஏகபஸாத³னியத்தே²ரஅபதா³னவண்ணனா
8. Ekapasādaniyattheraapadānavaṇṇanā
நாரதோ³ இதி மே நாமந்திஆதி³கங் ஆயஸ்மதோ ஏகபஸாத³னியத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ அனேகாஸு ஜாதீஸு கதகுஸலோ அத்த²த³ஸ்ஸிஸ்ஸ ப⁴க³வதோ காலே ப்³ராஹ்மணகுலே நிப்³ப³த்தோ கேஸவோதி பாகடோ ஹுத்வா விஞ்ஞுதங் பத்வா க⁴ராவாஸங் பஹாய பப்³ப³ஜித்வா வஸந்தோ ஏகதி³வஸங் ஸத்து² த⁴ம்மதே³ஸனங் ஸுத்வா பஸன்னமானஸோ அஞ்ஜலிங் பக்³க³ய்ஹ அதிவிய பீதிஸோமனஸ்ஸஜாதோ பக்காமி. ஸோ யாவதாயுகங் ட²த்வா தேனேவ ஸோமனஸ்ஸேன காலங் கத்வா தே³வேஸு நிப்³ப³த்தோ தத்த² தி³ப்³ப³ஸம்பத்திங் அனுப⁴வித்வா மனுஸ்ஸேஸு உப்பன்னோ தத்த² ஸம்பத்தியோ அனுப⁴வித்வா இமஸ்மிங் பு³த்³து⁴ப்பாதே³ அஞ்ஞதரஸ்மிங் குலகே³ஹே நிப்³ப³த்தோ வுத்³தி⁴ப்பத்தோ ஸத்த²ரி பஸீதி³த்வா பப்³ப³ஜிதோ நசிரஸ்ஸேவ அரஹா அஹோஸி.
Nārado iti me nāmantiādikaṃ āyasmato ekapasādaniyattherassa apadānaṃ. Ayampi purimabuddhesu katādhikāro anekāsu jātīsu katakusalo atthadassissa bhagavato kāle brāhmaṇakule nibbatto kesavoti pākaṭo hutvā viññutaṃ patvā gharāvāsaṃ pahāya pabbajitvā vasanto ekadivasaṃ satthu dhammadesanaṃ sutvā pasannamānaso añjaliṃ paggayha ativiya pītisomanassajāto pakkāmi. So yāvatāyukaṃ ṭhatvā teneva somanassena kālaṃ katvā devesu nibbatto tattha dibbasampattiṃ anubhavitvā manussesu uppanno tattha sampattiyo anubhavitvā imasmiṃ buddhuppāde aññatarasmiṃ kulagehe nibbatto vuddhippatto satthari pasīditvā pabbajito nacirasseva arahā ahosi.
55. ஸோ அபரபா⁴கே³ அத்தனோ கதகுஸலகம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ நாரதோ³ இதி மே நாமந்திஆதி³மாஹ. தத்த² நாரதோ³தி ஜாதிவஸேன ஸுத்³த⁴ஸரீரத்தா நத்தி² ரஜோ தூ⁴லி மலங் ஏதஸ்ஸாதி நாரதோ³, ஜ-காரஸ்ஸ த³-காரங் கத்வா நாரதோ³தி குலத³த்திகங் நாமங். கேஸவோதி கிஸவச்ச²கொ³த்தே ஜாதத்தா கேஸவோ நாரத³கேஸவோ இதி மங் ஜனா விதூ³ ஜானந்தீதி அத்தோ². ஸேஸங் பாகடமேவாதி.
55. So aparabhāge attano katakusalakammaṃ saritvā somanassajāto pubbacaritāpadānaṃ pakāsento nārado iti me nāmantiādimāha. Tattha nāradoti jātivasena suddhasarīrattā natthi rajo dhūli malaṃ etassāti nārado, ja-kārassa da-kāraṃ katvā nāradoti kuladattikaṃ nāmaṃ. Kesavoti kisavacchagotte jātattā kesavo nāradakesavo iti maṃ janā vidū jānantīti attho. Sesaṃ pākaṭamevāti.
ஏகபஸாத³னியத்தே²ரஅபதா³னவண்ணனா ஸமத்தா.
Ekapasādaniyattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 8. ஏகபஸாத³னியத்தே²ரஅபதா³னங் • 8. Ekapasādaniyattheraapadānaṃ
