| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၅. ဧကန္တဒုက္ခသုတ္တဝဏ္ဏနာ
5. Ekantadukkhasuttavaṇṇanā
၁၁၈. ဧကန္တေနေဝ ဒုက္ခာတိ အဝီစိမဟာနိရယော ဝိယ ဧကန္တတော ဒုက္ခာ ဧဝ သုခေန အဝောမိသ္သာ။ ဒုက္ခေန အနုပတိတာတိ ဒုက္ခေနေဝ သဗ္ဗသော ဥပဂတာ။ ဒုက္ခေန ဩက္ကန္တာတိ ဗဟိဒ္ဓာ ဝိယ အန္တောပိ ဒုက္ခေန အဝက္ကန္တာ အနုပဝိဋ္ဌာ။ သုခဝေဒနာပစ္စယတာယ ဣမာသံ ဓာတူနံ သုခတာ ဝိယ ဒုက္ခဝေဒနာပစ္စယတာပိ ဝေဒိတဗ္ဗာ, သင္ခာရဒုက္ခတာ ပန သဗ္ဗတ္ထ စရိတာ ဧဝ ။ သဗ္ဗတ္ထာတိ သဗ္ဗာသု ဓာတူသု, သဗ္ဗဋ္ဌာနေသု ဝာ။ ပဌမံ သုခံ ဒသ္သေတ္ဝာပိ ပစ္ဆာ ဒုက္ခသ္သ ကထိတတ္တာ ‘‘ဒုက္ခလက္ခဏံ ကထိတ’’န္တိ ဝုတ္တံ။
118.Ekanteneva dukkhāti avīcimahānirayo viya ekantato dukkhā eva sukhena avomissā. Dukkhena anupatitāti dukkheneva sabbaso upagatā. Dukkhena okkantāti bahiddhā viya antopi dukkhena avakkantā anupaviṭṭhā. Sukhavedanāpaccayatāya imāsaṃ dhātūnaṃ sukhatā viya dukkhavedanāpaccayatāpi veditabbā, saṅkhāradukkhatā pana sabbattha caritā eva . Sabbatthāti sabbāsu dhātūsu, sabbaṭṭhānesu vā. Paṭhamaṃ sukhaṃ dassetvāpi pacchā dukkhassa kathitattā ‘‘dukkhalakkhaṇaṃ kathita’’nti vuttaṃ.
ဧကန္တဒုက္ခသုတ္တဝဏ္ဏနာ နိဋ္ဌိတာ။
Ekantadukkhasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၅. ဧကန္တဒုက္ခသုတ္တံ • 5. Ekantadukkhasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၅. ဧကန္တဒုက္ခသုတ္တဝဏ္ဏနာ • 5. Ekantadukkhasuttavaṇṇanā
