| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
५. एकन्तदुक्खसुत्तवण्णना
5. Ekantadukkhasuttavaṇṇanā
११८. एकन्तेनेव दुक्खाति अवीचिमहानिरयो विय एकन्ततो दुक्खा एव सुखेन अवोमिस्सा। दुक्खेन अनुपतिताति दुक्खेनेव सब्बसो उपगता। दुक्खेन ओक्कन्ताति बहिद्धा विय अन्तोपि दुक्खेन अवक्कन्ता अनुपविट्ठा। सुखवेदनापच्चयताय इमासं धातूनं सुखता विय दुक्खवेदनापच्चयतापि वेदितब्बा, सङ्खारदुक्खता पन सब्बत्थ चरिता एव । सब्बत्थाति सब्बासु धातूसु, सब्बट्ठानेसु वा। पठमं सुखं दस्सेत्वापि पच्छा दुक्खस्स कथितत्ता ‘‘दुक्खलक्खणं कथित’’न्ति वुत्तं।
118.Ekanteneva dukkhāti avīcimahānirayo viya ekantato dukkhā eva sukhena avomissā. Dukkhena anupatitāti dukkheneva sabbaso upagatā. Dukkhena okkantāti bahiddhā viya antopi dukkhena avakkantā anupaviṭṭhā. Sukhavedanāpaccayatāya imāsaṃ dhātūnaṃ sukhatā viya dukkhavedanāpaccayatāpi veditabbā, saṅkhāradukkhatā pana sabbattha caritā eva . Sabbatthāti sabbāsu dhātūsu, sabbaṭṭhānesu vā. Paṭhamaṃ sukhaṃ dassetvāpi pacchā dukkhassa kathitattā ‘‘dukkhalakkhaṇaṃ kathita’’nti vuttaṃ.
एकन्तदुक्खसुत्तवण्णना निट्ठिता।
Ekantadukkhasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ५. एकन्तदुक्खसुत्तं • 5. Ekantadukkhasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ५. एकन्तदुक्खसुत्तवण्णना • 5. Ekantadukkhasuttavaṇṇanā
