| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๐. เอกญฺชลิยเตฺถรอปทานํ
10. Ekañjaliyattheraapadānaṃ
๖๓.
63.
อทฺทสํ วิรชํ พุทฺธํ, ปีตรํสิํว ภาณุมํฯ
Addasaṃ virajaṃ buddhaṃ, pītaraṃsiṃva bhāṇumaṃ.
๖๔.
64.
‘‘อุกฺกามุขปหฎฺฐํว , ขทิรงฺคารสนฺนิภํ;
‘‘Ukkāmukhapahaṭṭhaṃva , khadiraṅgārasannibhaṃ;
โอสธิํว วิโรจนฺตํ, เอกญฺชลิมกาสหํฯ
Osadhiṃva virocantaṃ, ekañjalimakāsahaṃ.
๖๕.
65.
‘‘จตุนฺนวุติโต กเปฺป, ยํ อญฺชลิมกาสหํ;
‘‘Catunnavutito kappe, yaṃ añjalimakāsahaṃ;
ทุคฺคติํ นาภิชานามิ, อญฺชลิยา อิทํ ผลํฯ
Duggatiṃ nābhijānāmi, añjaliyā idaṃ phalaṃ.
๖๖.
66.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา เอกญฺชลิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā ekañjaliyo thero imā gāthāyo abhāsitthāti.
เอกญฺชลิยเตฺถรสฺสาปทานํ ทสมํฯ
Ekañjaliyattherassāpadānaṃ dasamaṃ.
เอกปทุมิยวโคฺค ปญฺจติํสติโมฯ
Ekapadumiyavaggo pañcatiṃsatimo.
ตสฺสุทฺทานํ –
Tassuddānaṃ –
จมฺปโก ปทุโม มุฎฺฐิ, ตินฺทุเกกญฺชลี ตถา;
Campako padumo muṭṭhi, tindukekañjalī tathā;
ฉ จ สฎฺฐิ จ คาถาโย, คณิตาโย วิภาวิภิฯ
Cha ca saṭṭhi ca gāthāyo, gaṇitāyo vibhāvibhi.
Footnotes:
