| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१०. एकञ्जलियत्थेरअपदानं
10. Ekañjaliyattheraapadānaṃ
६३.
63.
अद्दसं विरजं बुद्धं, पीतरंसिंव भाणुमं॥
Addasaṃ virajaṃ buddhaṃ, pītaraṃsiṃva bhāṇumaṃ.
६४.
64.
‘‘उक्कामुखपहट्ठंव , खदिरङ्गारसन्निभं।
‘‘Ukkāmukhapahaṭṭhaṃva , khadiraṅgārasannibhaṃ;
ओसधिंव विरोचन्तं, एकञ्जलिमकासहं॥
Osadhiṃva virocantaṃ, ekañjalimakāsahaṃ.
६५.
65.
‘‘चतुन्नवुतितो कप्पे, यं अञ्जलिमकासहं।
‘‘Catunnavutito kappe, yaṃ añjalimakāsahaṃ;
दुग्गतिं नाभिजानामि, अञ्जलिया इदं फलं॥
Duggatiṃ nābhijānāmi, añjaliyā idaṃ phalaṃ.
६६.
66.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा एकञ्जलियो थेरो इमा गाथायो अभासित्थाति।
Itthaṃ sudaṃ āyasmā ekañjaliyo thero imā gāthāyo abhāsitthāti.
एकञ्जलियत्थेरस्सापदानं दसमं।
Ekañjaliyattherassāpadānaṃ dasamaṃ.
एकपदुमियवग्गो पञ्चतिंसतिमो।
Ekapadumiyavaggo pañcatiṃsatimo.
तस्सुद्दानं –
Tassuddānaṃ –
चम्पको पदुमो मुट्ठि, तिन्दुकेकञ्जली तथा।
Campako padumo muṭṭhi, tindukekañjalī tathā;
छ च सट्ठि च गाथायो, गणितायो विभाविभि॥
Cha ca saṭṭhi ca gāthāyo, gaṇitāyo vibhāvibhi.
Footnotes:
