| Library / Tipiṭaka / ਤਿਪਿਟਕ • Tipiṭaka / ਅਪਦਾਨਪਾਲ਼ਿ • Apadānapāḷi |
੫. ਏਕਞ੍ਜਲਿਕਤ੍ਥੇਰਅਪਦਾਨਂ
5. Ekañjalikattheraapadānaṃ
੧੯.
19.
‘‘ਉਦੁਮ੍ਬਰੇ વਸਨ੍ਤਸ੍ਸ, ਨਿਯਤੇ ਪਣ੍ਣਸਨ੍ਥਰੇ।
‘‘Udumbare vasantassa, niyate paṇṇasanthare;
વੁਤ੍ਥੋਕਾਸੋ ਮਯਾ ਦਿਨ੍ਨੋ, ਸਮਣਸ੍ਸ ਮਹੇਸਿਨੋ॥
Vutthokāso mayā dinno, samaṇassa mahesino.
੨੦.
20.
‘‘ਤਿਸ੍ਸਸ੍ਸ ਦ੍વਿਪਦਿਨ੍ਦਸ੍ਸ, ਲੋਕਨਾਥਸ੍ਸ ਤਾਦਿਨੋ।
‘‘Tissassa dvipadindassa, lokanāthassa tādino;
ਅਞ੍ਜਲਿਂ ਪਗ੍ਗਹੇਤ੍વਾਨ, ਸਨ੍ਥਰਿਂ ਪੁਪ੍ਫਸਨ੍ਥਰਂ॥
Añjaliṃ paggahetvāna, santhariṃ pupphasantharaṃ.
੨੧.
21.
‘‘ਦ੍વੇਨવੁਤੇ ਇਤੋ ਕਪ੍ਪੇ, ਯਂ ਕਰਿਂ ਪੁਪ੍ਫਸਨ੍ਥਰਂ।
‘‘Dvenavute ito kappe, yaṃ kariṃ pupphasantharaṃ;
ਦੁਗ੍ਗਤਿਂ ਨਾਭਿਜਾਨਾਮਿ, ਸਨ੍ਥਰਸ੍ਸ ਇਦਂ ਫਲਂ॥
Duggatiṃ nābhijānāmi, santharassa idaṃ phalaṃ.
੨੨.
22.
‘‘ਇਤੋ ਚੁਦ੍ਦਸਕਪ੍ਪਮ੍ਹਿ, ਅਹੋਸਿਂ ਮਨੁਜਾਧਿਪੋ।
‘‘Ito cuddasakappamhi, ahosiṃ manujādhipo;
ਏਕਅਞ੍ਜਲਿਕੋ ਨਾਮ, ਚਕ੍ਕવਤ੍ਤੀ ਮਹਬ੍ਬਲੋ॥
Ekaañjaliko nāma, cakkavattī mahabbalo.
੨੩.
23.
‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ॰… ਕਤਂ ਬੁਦ੍ਧਸ੍ਸ ਸਾਸਨਂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ਇਤ੍ਥਂ ਸੁਦਂ ਆਯਸ੍ਮਾ ਏਕਞ੍ਜਲਿਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ।
Itthaṃ sudaṃ āyasmā ekañjaliko thero imā gāthāyo abhāsitthāti.
ਏਕਞ੍ਜਲਿਕਤ੍ਥੇਰਸ੍ਸਾਪਦਾਨਂ ਪਞ੍ਚਮਂ।
Ekañjalikattherassāpadānaṃ pañcamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਅਪਦਾਨ-ਅਟ੍ਠਕਥਾ • Apadāna-aṭṭhakathā / ੧-੧੦. ਸੁવਣ੍ਣਬਿਬ੍ਬੋਹਨਿਯਤ੍ਥੇਰਅਪਦਾਨਾਦਿવਣ੍ਣਨਾ • 1-10. Suvaṇṇabibbohaniyattheraapadānādivaṇṇanā
