| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౪. ఏకమూలసుత్తవణ్ణనా
4. Ekamūlasuttavaṇṇanā
౪౪. చతుత్థే ఏకమూలన్తి అవిజ్జా తణ్హాయ మూలం, తణ్హా అవిజ్జాయ. ఇధ పన తణ్హా అధిప్పేతా. ద్వీహి సస్సతుచ్ఛేదదిట్ఠీహి ఆవట్టతీతి ద్విరావట్టా. సా చ రాగాదీహి తీహి మలేహి తిమలా. తత్రాస్సా మోహో సహజాతకోటియా మలం హోతి, రాగదోసా ఉపనిస్సయకోటియా. పఞ్చ పన కామగుణా అస్సా పత్థరణట్ఠానా, తేసు సా పత్థరతీతి పఞ్చపత్థరా. సా చ అపూరణీయట్ఠేన సముద్దో. అజ్ఝత్తికబాహిరేసు పనేసా ద్వాదసాయతనేసు ఆవట్టతి పరివట్టతీతి ద్వాదసావట్టా. అపతిట్ఠట్ఠేన పన పాతాలోతి వుచ్చతీతి. ఏకమూలం…పే॰… పాతాలం, అతరి ఇసి, ఉత్తరి సమతిక్కమీతి అత్థో. చతుత్థం.
44. Catutthe ekamūlanti avijjā taṇhāya mūlaṃ, taṇhā avijjāya. Idha pana taṇhā adhippetā. Dvīhi sassatucchedadiṭṭhīhi āvaṭṭatīti dvirāvaṭṭā. Sā ca rāgādīhi tīhi malehi timalā. Tatrāssā moho sahajātakoṭiyā malaṃ hoti, rāgadosā upanissayakoṭiyā. Pañca pana kāmaguṇā assā pattharaṇaṭṭhānā, tesu sā pattharatīti pañcapattharā. Sā ca apūraṇīyaṭṭhena samuddo. Ajjhattikabāhiresu panesā dvādasāyatanesu āvaṭṭati parivaṭṭatīti dvādasāvaṭṭā. Apatiṭṭhaṭṭhena pana pātāloti vuccatīti. Ekamūlaṃ…pe… pātālaṃ, atari isi, uttari samatikkamīti attho. Catutthaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౪. ఏకమూలసుత్తం • 4. Ekamūlasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౪. ఏకమూలసుత్తవణ్ణనా • 4. Ekamūlasuttavaṇṇanā
