| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৪. একমূলসুত্তৰণ্ণনা
4. Ekamūlasuttavaṇṇanā
৪৪. চতুত্থে একমূলন্তি অৰিজ্জা তণ্হায মূলং, তণ্হা অৰিজ্জায। ইধ পন তণ্হা অধিপ্পেতা। দ্ৰীহি সস্সতুচ্ছেদদিট্ঠীহি আৰট্টতীতি দ্ৰিরাৰট্টা। সা চ রাগাদীহি তীহি মলেহি তিমলা। তত্রাস্সা মোহো সহজাতকোটিযা মলং হোতি, রাগদোসা উপনিস্সযকোটিযা। পঞ্চ পন কামগুণা অস্সা পত্থরণট্ঠানা, তেসু সা পত্থরতীতি পঞ্চপত্থরা। সা চ অপূরণীযট্ঠেন সমুদ্দো। অজ্ঝত্তিকবাহিরেসু পনেসা দ্ৰাদসাযতনেসু আৰট্টতি পরিৰট্টতীতি দ্ৰাদসাৰট্টা। অপতিট্ঠট্ঠেন পন পাতালোতি ৰুচ্চতীতি। একমূলং…পে॰… পাতালং, অতরি ইসি, উত্তরি সমতিক্কমীতি অত্থো। চতুত্থং।
44. Catutthe ekamūlanti avijjā taṇhāya mūlaṃ, taṇhā avijjāya. Idha pana taṇhā adhippetā. Dvīhi sassatucchedadiṭṭhīhi āvaṭṭatīti dvirāvaṭṭā. Sā ca rāgādīhi tīhi malehi timalā. Tatrāssā moho sahajātakoṭiyā malaṃ hoti, rāgadosā upanissayakoṭiyā. Pañca pana kāmaguṇā assā pattharaṇaṭṭhānā, tesu sā pattharatīti pañcapattharā. Sā ca apūraṇīyaṭṭhena samuddo. Ajjhattikabāhiresu panesā dvādasāyatanesu āvaṭṭati parivaṭṭatīti dvādasāvaṭṭā. Apatiṭṭhaṭṭhena pana pātāloti vuccatīti. Ekamūlaṃ…pe… pātālaṃ, atari isi, uttari samatikkamīti attho. Catutthaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৪. একমূলসুত্তং • 4. Ekamūlasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৪. একমূলসুত্তৰণ্ণনা • 4. Ekamūlasuttavaṇṇanā
