| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
4. ஏகது³ஸ்ஸதா³யகத்தே²ரஅபதா³னங்
4. Ekadussadāyakattheraapadānaṃ
19.
19.
‘‘நக³ரே ஹங்ஸவதியா, அஹோஸிங் திணஹாரகோ;
‘‘Nagare haṃsavatiyā, ahosiṃ tiṇahārako;
திணஹாரேன ஜீவாமி, தேன போஸேமி தா³ரகே.
Tiṇahārena jīvāmi, tena posemi dārake.
20.
20.
‘‘பது³முத்தரோ நாம ஜினோ, ஸப்³ப³த⁴ம்மான பாரகூ³;
‘‘Padumuttaro nāma jino, sabbadhammāna pāragū;
தமந்த⁴காரங் நாஸெத்வா, உப்பஜ்ஜி லோகனாயகோ.
Tamandhakāraṃ nāsetvā, uppajji lokanāyako.
21.
21.
‘‘ஸகே க⁴ரே நிஸீதி³த்வா, ஏவங் சிந்தேஸஹங் ததா³;
‘‘Sake ghare nisīditvā, evaṃ cintesahaṃ tadā;
‘பு³த்³தோ⁴ லோகே ஸமுப்பன்னோ, தெ³ய்யத⁴ம்மோ ச நத்தி² மே.
‘Buddho loke samuppanno, deyyadhammo ca natthi me.
22.
22.
‘‘‘இத³ங் மே ஸாடகங் ஏகங், நத்தி² மே கோசி தா³யகோ;
‘‘‘Idaṃ me sāṭakaṃ ekaṃ, natthi me koci dāyako;
து³க்கோ² நிரயஸம்ப²ஸ்ஸோ, ரோபயிஸ்ஸாமி த³க்கி²ணங்’.
Dukkho nirayasamphasso, ropayissāmi dakkhiṇaṃ’.
23.
23.
‘‘ஏவாஹங் சிந்தயித்வான, ஸகங் சித்தங் பஸாத³யிங்;
‘‘Evāhaṃ cintayitvāna, sakaṃ cittaṃ pasādayiṃ;
ஏகங் து³ஸ்ஸங் க³ஹெத்வான, பு³த்³த⁴ஸெட்ட²ஸ்ஸதா³ஸஹங்.
Ekaṃ dussaṃ gahetvāna, buddhaseṭṭhassadāsahaṃ.
24.
24.
‘‘ஏகங் து³ஸ்ஸங் த³தி³த்வான, உக்குட்டி²ங் ஸம்பவத்தயிங்;
‘‘Ekaṃ dussaṃ daditvāna, ukkuṭṭhiṃ sampavattayiṃ;
யதி³ பு³த்³தோ⁴ துவங் வீர, தாரேஹி மங் மஹாமுனி.
Yadi buddho tuvaṃ vīra, tārehi maṃ mahāmuni.
25.
25.
‘‘பது³முத்தரோ லோகவிதூ³, ஆஹுதீனங் படிக்³க³ஹோ;
‘‘Padumuttaro lokavidū, āhutīnaṃ paṭiggaho;
மம தா³னங் பகித்தெந்தோ, அகா மே அனுமோத³னங்.
Mama dānaṃ pakittento, akā me anumodanaṃ.
26.
26.
‘‘‘இமினா ஏகது³ஸ்ஸேன, சேதனாபணிதீ⁴ஹி ச;
‘‘‘Iminā ekadussena, cetanāpaṇidhīhi ca;
கப்பஸதஸஹஸ்ஸானி, வினிபாதங் ந க³ச்ச²தி.
Kappasatasahassāni, vinipātaṃ na gacchati.
27.
27.
‘‘‘ச²த்திங்ஸக்க²த்துங் தே³விந்தோ³, தே³வரஜ்ஜங் கரிஸ்ஸதி;
‘‘‘Chattiṃsakkhattuṃ devindo, devarajjaṃ karissati;
தெத்திங்ஸக்க²த்துங் ராஜா ச, சக்கவத்தீ ப⁴விஸ்ஸதி;
Tettiṃsakkhattuṃ rājā ca, cakkavattī bhavissati;
பதே³ஸரஜ்ஜங் விபுலங், க³ணனாதோ அஸங்கி²யங்.
Padesarajjaṃ vipulaṃ, gaṇanāto asaṅkhiyaṃ.
28.
28.
‘‘‘தே³வலோகே மனுஸ்ஸே வா, ஸங்ஸரந்தோ துவங் ப⁴வே;
‘‘‘Devaloke manusse vā, saṃsaranto tuvaṃ bhave;
ரூபவா கு³ணஸம்பன்னோ, அனவக்கந்ததே³ஹவா;
Rūpavā guṇasampanno, anavakkantadehavā;
அக்கோ²ப⁴ங் அமிதங் து³ஸ்ஸங், லபி⁴ஸ்ஸஸி யதி³ச்ச²கங்’.
Akkhobhaṃ amitaṃ dussaṃ, labhissasi yadicchakaṃ’.
29.
29.
‘‘இத³ங் வத்வான ஸம்பு³த்³தோ⁴, ஜலஜுத்தமனாமகோ;
‘‘Idaṃ vatvāna sambuddho, jalajuttamanāmako;
நப⁴ங் அப்³பு⁴க்³க³மீ தீ⁴ரோ, ஹங்ஸராஜாவ அம்ப³ரே.
Nabhaṃ abbhuggamī dhīro, haṃsarājāva ambare.
30.
30.
‘‘யங் யங் யோனுபபஜ்ஜாமி, தே³வத்தங் அத² மானுஸங்;
‘‘Yaṃ yaṃ yonupapajjāmi, devattaṃ atha mānusaṃ;
போ⁴கே³ மே ஊனதா நத்தி², ஏகது³ஸ்ஸஸ்ஸித³ங் ப²லங்.
Bhoge me ūnatā natthi, ekadussassidaṃ phalaṃ.
31.
31.
‘‘பது³த்³தா⁴ரே பது³த்³தா⁴ரே, து³ஸ்ஸங் நிப்³ப³த்ததே மமங்;
‘‘Paduddhāre paduddhāre, dussaṃ nibbattate mamaṃ;
ஹெட்டா² து³ஸ்ஸம்ஹி திட்டா²மி, உபரி ச²த³னங் மம.
Heṭṭhā dussamhi tiṭṭhāmi, upari chadanaṃ mama.
32.
32.
‘‘சக்கவாளமுபாதா³ய, ஸகானநங் ஸபப்³ப³தங்;
‘‘Cakkavāḷamupādāya, sakānanaṃ sapabbataṃ;
இச்ச²மானோ சஹங் அஜ்ஜ, து³ஸ்ஸேஹி சா²த³யெய்யஹங்.
Icchamāno cahaṃ ajja, dussehi chādayeyyahaṃ.
33.
33.
‘‘தேனேவ ஏகது³ஸ்ஸேன, ஸங்ஸரந்தோ ப⁴வாப⁴வே;
‘‘Teneva ekadussena, saṃsaranto bhavābhave;
ஸுவண்ணவண்ணோ ஹுத்வான, ஸங்ஸராமி ப⁴வாப⁴வே.
Suvaṇṇavaṇṇo hutvāna, saṃsarāmi bhavābhave.
34.
34.
‘‘விபாகங் ஏகது³ஸ்ஸஸ்ஸ, நஜ்ஜ²க³ங் கத்த²சிக்க²யங்;
‘‘Vipākaṃ ekadussassa, najjhagaṃ katthacikkhayaṃ;
அயங் மே அந்திமா ஜாதி, விபச்சதி இதா⁴பி மே.
Ayaṃ me antimā jāti, vipaccati idhāpi me.
35.
35.
‘‘ஸதஸஹஸ்ஸிதோ கப்பே, யங் து³ஸ்ஸமத³தி³ங் ததா³;
‘‘Satasahassito kappe, yaṃ dussamadadiṃ tadā;
து³க்³க³திங் நாபி⁴ஜானாமி, ஏகது³ஸ்ஸஸ்ஸித³ங் ப²லங்.
Duggatiṃ nābhijānāmi, ekadussassidaṃ phalaṃ.
36.
36.
‘‘கிலேஸா ஜா²பிதா மய்ஹங், ப⁴வா ஸப்³பே³ ஸமூஹதா;
‘‘Kilesā jhāpitā mayhaṃ, bhavā sabbe samūhatā;
நாகோ³வ ப³ந்த⁴னங் செ²த்வா, விஹராமி அனாஸவோ.
Nāgova bandhanaṃ chetvā, viharāmi anāsavo.
37.
37.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா ஏகது³ஸ்ஸதா³யகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā ekadussadāyako thero imā gāthāyo abhāsitthāti.
ஏகது³ஸ்ஸதா³யகத்தே²ரஸ்ஸாபதா³னங் சதுத்த²ங்.
Ekadussadāyakattherassāpadānaṃ catutthaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 1-10. தோ²மகத்தே²ரஅபதா³னாதி³வண்ணனா • 1-10. Thomakattheraapadānādivaṇṇanā
