| Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi |
༢༣. ཏེཝཱིསཏིམཝགྒོ
23. Tevīsatimavaggo
(༢༡༨) ༡. ཨེཀཱདྷིཔྤཱཡཀཐཱ
(218) 1. Ekādhippāyakathā
༩༠༨. ཨེཀཱདྷིཔྤཱཡེན མེཐུནོ དྷམྨོ པཊིསེཝིཏབྦོཏི? ཨཱམནྟཱ། ཨེཀཱདྷིཔྤཱཡེན ཨསྶམཎེན ཧོཏབྦཾ, ཨབྷིཀྑུནཱ ཧོཏབྦཾ, ཚིནྣམཱུལེན ཧོཏབྦཾ པཱརཱཛིཀེན ཧོཏབྦནྟི? ན ཧེཝཾ ཝཏྟབྦེ…པེ॰… ཨེཀཱདྷིཔྤཱཡེན མེཐུནོ དྷམྨོ པཊིསེཝིཏབྦོཏི? ཨཱམནྟཱ། ཨེཀཱདྷིཔྤཱཡེན པཱཎོ ཧནྟབྦོ, ཨདིནྣཾ ཨཱདིཡིཏབྦཾ, མུསཱ བྷཎིཏབྦཱ, པིསུཎཾ བྷཎིཏབྦཾ, ཕརུསཾ བྷཎིཏབྦཾ, སམྥཾ པལཔིཏབྦཾ, སནྡྷི ཚེདིཏབྦོ, ནིལློཔཾ ཧཱཏབྦཾ, ཨེཀཱགཱརིཀཾ ཀཱཏབྦཾ, པརིཔནྠེ ཋཱཏབྦཾ, པརདཱརོ གནྟབྦོ, གཱམགྷཱཏཀོ ཀཱཏབྦོ, ནིགམགྷཱཏཀོ ཀཱཏབྦོཏི? ན ཧེཝཾ ཝཏྟབྦེ…པེ॰…།
908. Ekādhippāyena methuno dhammo paṭisevitabboti? Āmantā. Ekādhippāyena assamaṇena hotabbaṃ, abhikkhunā hotabbaṃ, chinnamūlena hotabbaṃ pārājikena hotabbanti? Na hevaṃ vattabbe…pe… ekādhippāyena methuno dhammo paṭisevitabboti? Āmantā. Ekādhippāyena pāṇo hantabbo, adinnaṃ ādiyitabbaṃ, musā bhaṇitabbā, pisuṇaṃ bhaṇitabbaṃ, pharusaṃ bhaṇitabbaṃ, samphaṃ palapitabbaṃ, sandhi cheditabbo, nillopaṃ hātabbaṃ, ekāgārikaṃ kātabbaṃ, paripanthe ṭhātabbaṃ, paradāro gantabbo, gāmaghātako kātabbo, nigamaghātako kātabboti? Na hevaṃ vattabbe…pe….
ཨེཀཱདྷིཔྤཱཡཀཐཱ ནིཊྛིཏཱ།
Ekādhippāyakathā niṭṭhitā.
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༡. ཨེཀཱདྷིཔྤཱཡཀཐཱཝཎྞནཱ • 1. Ekādhippāyakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༡. ཨེཀཱདྷིཔྤཱཡཀཐཱཝཎྞནཱ • 1. Ekādhippāyakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༡. ཨེཀཱདྷིཔྤཱཡཀཐཱཝཎྞནཱ • 1. Ekādhippāyakathāvaṇṇanā
