| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၁၁. ဧကာဒသမသိက္ခာပဒံ
11. Ekādasamasikkhāpadaṃ
၁၁၆၇. ဧကာဒသမေ တတ္ထာတိ ‘‘ပာရိဝာသိယဆန္ဒဒာနေနာ’’တိ ဝစနေ။ အညတ္ရာတိ အညံ ဌာနံ။
1167. Ekādasame tatthāti ‘‘pārivāsiyachandadānenā’’ti vacane. Aññatrāti aññaṃ ṭhānaṃ.
ဧကံ အဇ္ဈေသန္တီတိ ဧကံ ဘိက္ခုံ ဓမ္မကထနတ္ထာယ နိယ္ယောဇေန္တိ။ အညံ ပနာတိ ဥပောသထိကတော အညံ ပန။
Ekaṃ ajjhesantīti ekaṃ bhikkhuṃ dhammakathanatthāya niyyojenti. Aññaṃ panāti uposathikato aññaṃ pana.
တတ္ရာတိ တေသု ဘိက္ခူသု။ သုဘာသုဘံ နက္ခတ္တံ ပဌတီတိ နက္ခတ္တပာဌကော။ ဒာရုဏန္တိ ကက္ခဠံ။ တေတိ ဘိက္ခူ။ တသ္သာတိ နက္ခတ္တပာဌကသ္သ ဘိက္ခုသ္သ။ ‘‘နက္ခတ္တံ ပဋိမာနေန္တံ, အတ္ထော ဗာလံ ဥပစ္စဂာ’’တိဇာတကပာဠိ (ဇာ. ၁.၁.၄၉)။ အယံ ပနေတ္ထ ယောဇနာ – နက္ခတ္တံ ပဋိမာနေန္တံ ဗာလံ အတ္ထော ဟိတံ ဥပစ္စဂာ ဥပသမီပေ အတိက္ကမိတ္ဝာ အဂာတိ။ ဧကာဒသမံ။
Tatrāti tesu bhikkhūsu. Subhāsubhaṃ nakkhattaṃ paṭhatīti nakkhattapāṭhako. Dāruṇanti kakkhaḷaṃ. Teti bhikkhū. Tassāti nakkhattapāṭhakassa bhikkhussa. ‘‘Nakkhattaṃ paṭimānentaṃ, attho bālaṃ upaccagā’’tijātakapāḷi (jā. 1.1.49). Ayaṃ panettha yojanā – nakkhattaṃ paṭimānentaṃ bālaṃ attho hitaṃ upaccagā upasamīpe atikkamitvā agāti. Ekādasamaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ဘိက္ခုနီဝိဘင္ဂ • Bhikkhunīvibhaṅga / ၁၁. ဧကာဒသမသိက္ခာပဒံ • 11. Ekādasamasikkhāpadaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ဘိက္ခုနီဝိဘင္ဂ-အဋ္ဌကထာ • Bhikkhunīvibhaṅga-aṭṭhakathā / ၁၁. ဧကာဒသမသိက္ခာပဒဝဏ္ဏနာ • 11. Ekādasamasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၂. ဒုတိယာဒိသိက္ခာပဒဝဏ္ဏနာ • 2. Dutiyādisikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၁. ပဌမာဒိသိက္ခာပဒဝဏ္ဏနာ • 1. Paṭhamādisikkhāpadavaṇṇanā
