| Library / Tipiṭaka / తిపిటక • Tipiṭaka / పాచిత్యాదియోజనాపాళి • Pācityādiyojanāpāḷi |
౧౧. ఏకాదసమసిక్ఖాపదం
11. Ekādasamasikkhāpadaṃ
౧౧౬౭. ఏకాదసమే తత్థాతి ‘‘పారివాసియఛన్దదానేనా’’తి వచనే. అఞ్ఞత్రాతి అఞ్ఞం ఠానం.
1167. Ekādasame tatthāti ‘‘pārivāsiyachandadānenā’’ti vacane. Aññatrāti aññaṃ ṭhānaṃ.
ఏకం అజ్ఝేసన్తీతి ఏకం భిక్ఖుం ధమ్మకథనత్థాయ నియ్యోజేన్తి. అఞ్ఞం పనాతి ఉపోసథికతో అఞ్ఞం పన.
Ekaṃ ajjhesantīti ekaṃ bhikkhuṃ dhammakathanatthāya niyyojenti. Aññaṃ panāti uposathikato aññaṃ pana.
తత్రాతి తేసు భిక్ఖూసు. సుభాసుభం నక్ఖత్తం పఠతీతి నక్ఖత్తపాఠకో. దారుణన్తి కక్ఖళం. తేతి భిక్ఖూ. తస్సాతి నక్ఖత్తపాఠకస్స భిక్ఖుస్స. ‘‘నక్ఖత్తం పటిమానేన్తం, అత్థో బాలం ఉపచ్చగా’’తిజాతకపాళి (జా॰ ౧.౧.౪౯). అయం పనేత్థ యోజనా – నక్ఖత్తం పటిమానేన్తం బాలం అత్థో హితం ఉపచ్చగా ఉపసమీపే అతిక్కమిత్వా అగాతి. ఏకాదసమం.
Tatrāti tesu bhikkhūsu. Subhāsubhaṃ nakkhattaṃ paṭhatīti nakkhattapāṭhako. Dāruṇanti kakkhaḷaṃ. Teti bhikkhū. Tassāti nakkhattapāṭhakassa bhikkhussa. ‘‘Nakkhattaṃ paṭimānentaṃ, attho bālaṃ upaccagā’’tijātakapāḷi (jā. 1.1.49). Ayaṃ panettha yojanā – nakkhattaṃ paṭimānentaṃ bālaṃ attho hitaṃ upaccagā upasamīpe atikkamitvā agāti. Ekādasamaṃ.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / భిక్ఖునీవిభఙ్గ • Bhikkhunīvibhaṅga / ౧౧. ఏకాదసమసిక్ఖాపదం • 11. Ekādasamasikkhāpadaṃ
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / భిక్ఖునీవిభఙ్గ-అట్ఠకథా • Bhikkhunīvibhaṅga-aṭṭhakathā / ౧౧. ఏకాదసమసిక్ఖాపదవణ్ణనా • 11. Ekādasamasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / ౨. దుతియాదిసిక్ఖాపదవణ్ణనా • 2. Dutiyādisikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / ౧. పఠమాదిసిక్ఖాపదవణ్ణనా • 1. Paṭhamādisikkhāpadavaṇṇanā
