| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
11. згаад̣̇асамасигкаабад̣̇ам̣
11. Ekādasamasikkhāpadaṃ
1214. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна бхигкунияо бхигкусса бурад̇о анаабужчаа аасанз нисийд̣̇анд̇и. бхигкуу уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкунияо бхигкусса бурад̇о анаабужчаа аасанз нисийд̣̇иссанд̇ий’’д̇и…бз… сажжам̣ гира, бхигкавз, бхигкунияо бхигкусса бурад̇о анаабужчаа аасанз нисийд̣̇анд̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, бхигкунияо бхигкусса бурад̇о анаабужчаа аасанз нисийд̣̇иссанд̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
1214. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhikkhuniyo bhikkhussa purato anāpucchā āsane nisīdanti. Bhikkhū ujjhāyanti khiyyanti vipācenti – ‘‘kathañhi nāma bhikkhuniyo bhikkhussa purato anāpucchā āsane nisīdissantī’’ti…pe… saccaṃ kira, bhikkhave, bhikkhuniyo bhikkhussa purato anāpucchā āsane nisīdantīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhuniyo bhikkhussa purato anāpucchā āsane nisīdissanti! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
1215. ‘‘яаа бана бхигкуний бхигкусса бурад̇о анаабужчаа аасанз нисийд̣̇зяяа, баажид̇д̇ияа’’нд̇и.
1215.‘‘Yā pana bhikkhunī bhikkhussa purato anāpucchā āsane nisīdeyya, pācittiya’’nti.
1216. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
1216.Yāpanāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
бхигкусса бурад̇од̇и убасамбаннасса бурад̇о. анаабужчаад̇и анабалогзд̇ваа. аасанз нисийд̣̇зяяаад̇и анд̇амасо чамааяаби нисийд̣̇ад̇и, аабад̇д̇и баажид̇д̇ияасса.
Bhikkhussapuratoti upasampannassa purato. Anāpucchāti anapaloketvā. Āsane nisīdeyyāti antamaso chamāyapi nisīdati, āpatti pācittiyassa.
1217. анаабужчид̇з анаабужчид̇асан̃н̃аа аасанз нисийд̣̇ад̇и, аабад̇д̇и баажид̇д̇ияасса. анаабужчид̇з взмад̇игаа аасанз нисийд̣̇ад̇и, аабад̇д̇и баажид̇д̇ияасса . анаабужчид̇з аабужчид̇асан̃н̃аа аасанз нисийд̣̇ад̇и, аабад̇д̇и баажид̇д̇ияасса.
1217. Anāpucchite anāpucchitasaññā āsane nisīdati, āpatti pācittiyassa. Anāpucchite vematikā āsane nisīdati, āpatti pācittiyassa . Anāpucchite āpucchitasaññā āsane nisīdati, āpatti pācittiyassa.
аабужчид̇з анаабужчид̇асан̃н̃аа, аабад̇д̇и д̣̇уггадасса. аабужчид̇з взмад̇игаа, аабад̇д̇и д̣̇уггадасса. аабужчид̇з аабужчид̇асан̃н̃аа, анаабад̇д̇и.
Āpucchite anāpucchitasaññā, āpatti dukkaṭassa. Āpucchite vematikā, āpatti dukkaṭassa. Āpucchite āpucchitasaññā, anāpatti.
1218. анаабад̇д̇и аабужчаа аасанз нисийд̣̇ад̇и, г̇илаанааяа, аабад̣̇аасу, уммад̇д̇игааяа, аад̣̇игаммигааяаад̇и.
1218. Anāpatti āpucchā āsane nisīdati, gilānāya, āpadāsu, ummattikāya, ādikammikāyāti.
згаад̣̇асамасигкаабад̣̇ам̣ нидтид̇ам̣.
Ekādasamasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 11. згаад̣̇асамасигкаабад̣̇аван̣н̣анаа • 11. Ekādasamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 9. чад̇д̇убааханаваг̇г̇аван̣н̣анаа • 9. Chattupāhanavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 11. згаад̣̇асамаад̣̇исигкаабад̣̇аван̣н̣анаа • 11. Ekādasamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 11. згаад̣̇асамасигкаабад̣̇ам̣ • 11. Ekādasamasikkhāpadaṃ
