| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
১১. একাদসমসিক্খাপদং
11. Ekādasamasikkhāpadaṃ
১১৬৭. একাদসমে তত্থাতি ‘‘পারিৰাসিযছন্দদানেনা’’তি ৰচনে। অঞ্ঞত্রাতি অঞ্ঞং ঠানং।
1167. Ekādasame tatthāti ‘‘pārivāsiyachandadānenā’’ti vacane. Aññatrāti aññaṃ ṭhānaṃ.
একং অজ্ঝেসন্তীতি একং ভিক্খুং ধম্মকথনত্থায নিয্যোজেন্তি। অঞ্ঞং পনাতি উপোসথিকতো অঞ্ঞং পন।
Ekaṃ ajjhesantīti ekaṃ bhikkhuṃ dhammakathanatthāya niyyojenti. Aññaṃ panāti uposathikato aññaṃ pana.
তত্রাতি তেসু ভিক্খূসু। সুভাসুভং নক্খত্তং পঠতীতি নক্খত্তপাঠকো। দারুণন্তি কক্খল়ং। তেতি ভিক্খূ। তস্সাতি নক্খত্তপাঠকস্স ভিক্খুস্স। ‘‘নক্খত্তং পটিমানেন্তং, অত্থো বালং উপচ্চগা’’তিজাতকপাল়ি (জা॰ ১.১.৪৯)। অযং পনেত্থ যোজনা – নক্খত্তং পটিমানেন্তং বালং অত্থো হিতং উপচ্চগা উপসমীপে অতিক্কমিত্ৰা অগাতি। একাদসমং।
Tatrāti tesu bhikkhūsu. Subhāsubhaṃ nakkhattaṃ paṭhatīti nakkhattapāṭhako. Dāruṇanti kakkhaḷaṃ. Teti bhikkhū. Tassāti nakkhattapāṭhakassa bhikkhussa. ‘‘Nakkhattaṃ paṭimānentaṃ, attho bālaṃ upaccagā’’tijātakapāḷi (jā. 1.1.49). Ayaṃ panettha yojanā – nakkhattaṃ paṭimānentaṃ bālaṃ attho hitaṃ upaccagā upasamīpe atikkamitvā agāti. Ekādasamaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / ভিক্খুনীৰিভঙ্গ • Bhikkhunīvibhaṅga / ১১. একাদসমসিক্খাপদং • 11. Ekādasamasikkhāpadaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / ভিক্খুনীৰিভঙ্গ-অট্ঠকথা • Bhikkhunīvibhaṅga-aṭṭhakathā / ১১. একাদসমসিক্খাপদৰণ্ণনা • 11. Ekādasamasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ২. দুতিযাদিসিক্খাপদৰণ্ণনা • 2. Dutiyādisikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ১. পঠমাদিসিক্খাপদৰণ্ণনা • 1. Paṭhamādisikkhāpadavaṇṇanā
