| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๙. เอกจาริยเตฺถรอปทานํ
9. Ekacāriyattheraapadānaṃ
๕๑.
51.
‘‘ตาวติํเสสุ เทเวสุ, มหาโฆโส ตทา อหุ;
‘‘Tāvatiṃsesu devesu, mahāghoso tadā ahu;
พุโทฺธ จ โลเก นิพฺพาติ, มยญฺจมฺห สราคิโนฯ
Buddho ca loke nibbāti, mayañcamha sarāgino.
๕๒.
52.
‘‘เตสํ สํเวคชาตานํ, โสกสลฺลสมงฺคินํ;
‘‘Tesaṃ saṃvegajātānaṃ, sokasallasamaṅginaṃ;
สพเลน อุปตฺถโทฺธ, อคมํ พุทฺธสนฺติกํฯ
Sabalena upatthaddho, agamaṃ buddhasantikaṃ.
๕๓.
53.
ปรินิพฺพุตกาลมฺหิ, พุทฺธสฺส อภิโรปยิํฯ
Parinibbutakālamhi, buddhassa abhiropayiṃ.
๕๔.
54.
‘‘สเพฺพ เทวานุโมทิํสุ, อจฺฉราโย จ เม ตทา;
‘‘Sabbe devānumodiṃsu, accharāyo ca me tadā;
กปฺปานํ สตสหสฺสํ, ทุคฺคติํ นุปปชฺชหํฯ
Kappānaṃ satasahassaṃ, duggatiṃ nupapajjahaṃ.
๕๕.
55.
‘‘สฎฺฐิกปฺปสหสฺสมฺหิ, อิโต โสฬส เต ชนา;
‘‘Saṭṭhikappasahassamhi, ito soḷasa te janā;
มหามลฺลชนา นาม, จกฺกวตฺตี มหพฺพลาฯ
Mahāmallajanā nāma, cakkavattī mahabbalā.
๕๖.
56.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา เอกจาริโย เถโร อิมา คาถาโย อภาสิตฺถาติฯ
Itthaṃ sudaṃ āyasmā ekacāriyo thero imā gāthāyo abhāsitthāti.
เอกจาริยเตฺถรสฺสาปทานํ นวมํฯ
Ekacāriyattherassāpadānaṃ navamaṃ.
Footnotes:
