| Library / Tipiṭaka / തിപിടക • Tipiṭaka / അപദാനപാളി • Apadānapāḷi |
൮. ഏകചമ്പകപുപ്ഫിയത്ഥേരഅപദാനം
8. Ekacampakapupphiyattheraapadānaṃ
൨൭.
27.
‘‘ഉപസന്തോ ച സമ്ബുദ്ധോ, വസതീ പബ്ബതന്തരേ;
‘‘Upasanto ca sambuddho, vasatī pabbatantare;
ഏകചമ്പകമാദായ, ഉപഗച്ഛിം നരുത്തമം.
Ekacampakamādāya, upagacchiṃ naruttamaṃ.
൨൮.
28.
‘‘പസന്നചിത്തോ സുമനോ, പച്ചേകമുനിമുത്തമം;
‘‘Pasannacitto sumano, paccekamunimuttamaṃ;
ഉഭോഹത്ഥേഹി പഗ്ഗയ്ഹ, പൂജയിം അപരാജിതം.
Ubhohatthehi paggayha, pūjayiṃ aparājitaṃ.
൨൯.
29.
‘‘പഞ്ചസട്ഠിമ്ഹിതോ കപ്പേ, യം പുപ്ഫമഭിപൂജയിം;
‘‘Pañcasaṭṭhimhito kappe, yaṃ pupphamabhipūjayiṃ;
ദുഗ്ഗതിം നാഭിജാനാമി, ബുദ്ധപൂജായിദം ഫലം.
Duggatiṃ nābhijānāmi, buddhapūjāyidaṃ phalaṃ.
൩൦.
30.
‘‘പടിസമ്ഭിദാ ചതസ്സോ…പേ॰… കതം ബുദ്ധസ്സ സാസനം’’.
‘‘Paṭisambhidā catasso…pe… kataṃ buddhassa sāsanaṃ’’.
ഇത്ഥം സുദം ആയസ്മാ ഏകചമ്പകപുപ്ഫിയോ ഥേരോ ഇമാ ഗാഥായോ അഭാസിത്ഥാതി.
Itthaṃ sudaṃ āyasmā ekacampakapupphiyo thero imā gāthāyo abhāsitthāti.
ഏകചമ്പകപുപ്ഫിയത്ഥേരസ്സാപദാനം അട്ഠമം.
Ekacampakapupphiyattherassāpadānaṃ aṭṭhamaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / അപദാന-അട്ഠകഥാ • Apadāna-aṭṭhakathā / ൧-൧൦. തമാലപുപ്ഫിയത്ഥേരഅപദാനാദിവണ്ണനാ • 1-10. Tamālapupphiyattheraapadānādivaṇṇanā
