| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৪. একবীজীসুত্তং
4. Ekabījīsuttaṃ
৪৯৪. ‘‘পঞ্চিমানি, ভিক্খৰে, ইন্দ্রিযানি। কতমানি পঞ্চ? সদ্ধিন্দ্রিযং…পে॰… পঞ্ঞিন্দ্রিযং – ইমানি খো, ভিক্খৰে, পঞ্চিন্দ্রিযানি। ইমেসং খো, ভিক্খৰে, পঞ্চন্নং ইন্দ্রিযানং সমত্তা পরিপূরত্তা অরহং হোতি, ততো মুদুতরেহি অন্তরাপরিনিব্বাযী হোতি, ততো মুদুতরেহি উপহচ্চপরিনিব্বাযী হোতি, ততো মুদুতরেহি অসঙ্খারপরিনিব্বাযী হোতি, ততো মুদুতরেহি সসঙ্খারপরিনিব্বাযী হোতি, ততো মুদুতরেহি উদ্ধংসোতো হোতি অকনিট্ঠগামী, ততো মুদুতরেহি সকদাগামী হোতি, ততো মুদুতরেহি একবীজী 1 হোতি, ততো মুদুতরেহি কোলংকোলো হোতি, ততো মুদুতরেহি সত্তক্খত্তুপরমো হোতি, ততো মুদুতরেহি ধম্মানুসারী হোতি, ততো মুদুতরেহি সদ্ধানুসারী হোতী’’তি। চতুত্থং।
494. ‘‘Pañcimāni, bhikkhave, indriyāni. Katamāni pañca? Saddhindriyaṃ…pe… paññindriyaṃ – imāni kho, bhikkhave, pañcindriyāni. Imesaṃ kho, bhikkhave, pañcannaṃ indriyānaṃ samattā paripūrattā arahaṃ hoti, tato mudutarehi antarāparinibbāyī hoti, tato mudutarehi upahaccaparinibbāyī hoti, tato mudutarehi asaṅkhāraparinibbāyī hoti, tato mudutarehi sasaṅkhāraparinibbāyī hoti, tato mudutarehi uddhaṃsoto hoti akaniṭṭhagāmī, tato mudutarehi sakadāgāmī hoti, tato mudutarehi ekabījī 2 hoti, tato mudutarehi kolaṃkolo hoti, tato mudutarehi sattakkhattuparamo hoti, tato mudutarehi dhammānusārī hoti, tato mudutarehi saddhānusārī hotī’’ti. Catutthaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৪. একবীজীসুত্তৰণ্ণনা • 4. Ekabījīsuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৪. একবীজিসুত্তৰণ্ণনা • 4. Ekabījisuttavaṇṇanā
