| Library / Tipiṭaka / තිපිටක • Tipiṭaka / අපදානපාළි • Apadānapāḷi |
3. ද්වෙරතනියත්ථෙරඅපදානං
3. Dverataniyattheraapadānaṃ
12.
12.
‘‘මිගලුද්දො පුරෙ ආසිං, අරඤ්ඤෙ කානනෙ අහං;
‘‘Migaluddo pure āsiṃ, araññe kānane ahaṃ;
අද්දසං විරජං බුද්ධං, ආහුතීනං පටිග්ගහං.
Addasaṃ virajaṃ buddhaṃ, āhutīnaṃ paṭiggahaṃ.
13.
13.
‘‘මංසපෙසි මයා දින්නා, විපස්සිස්ස මහෙසිනො;
‘‘Maṃsapesi mayā dinnā, vipassissa mahesino;
සදෙවකස්මිං ලොකස්මිං, ඉස්සරං කාරයාමහං.
Sadevakasmiṃ lokasmiṃ, issaraṃ kārayāmahaṃ.
14.
14.
‘‘ඉමිනා මංසදානෙන, රතනං නිබ්බත්තතෙ මම;
‘‘Iminā maṃsadānena, ratanaṃ nibbattate mama;
දුවෙමෙ රතනා ලොකෙ, දිට්ඨධම්මස්ස පත්තියා.
Duveme ratanā loke, diṭṭhadhammassa pattiyā.
15.
15.
‘‘තෙහං සබ්බෙ අනුභොමි, මංසදානස්ස සත්තියා;
‘‘Tehaṃ sabbe anubhomi, maṃsadānassa sattiyā;
ගත්තඤ්ච මුදුකං මය්හං, පඤ්ඤා නිපුණවෙදනී.
Gattañca mudukaṃ mayhaṃ, paññā nipuṇavedanī.
16.
16.
‘‘එකනවුතිතො කප්පෙ, යං මංසමදදිං තදා;
‘‘Ekanavutito kappe, yaṃ maṃsamadadiṃ tadā;
දුග්ගතිං නාභිජානාමි, මංසදානස්සිදං ඵලං.
Duggatiṃ nābhijānāmi, maṃsadānassidaṃ phalaṃ.
17.
17.
‘‘ඉතො චතුත්ථකෙ කප්පෙ, එකො ආසිං ජනාධිපො;
‘‘Ito catutthake kappe, eko āsiṃ janādhipo;
මහාරොහිතනාමො සො, චක්කවත්තී මහබ්බලො.
Mahārohitanāmo so, cakkavattī mahabbalo.
18.
18.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා ද්වෙරතනියො 1 ථෙරො ඉමා ගාථායො අභාසිත්ථාති.
Itthaṃ sudaṃ āyasmā dverataniyo 2 thero imā gāthāyo abhāsitthāti.
ද්වෙරතනියත්ථෙරස්සාපදානං තතියං.
Dverataniyattherassāpadānaṃ tatiyaṃ.
දසමං භාණවාරං.
Dasamaṃ bhāṇavāraṃ.
Footnotes:
