| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๓. เทฺวรตนิยเตฺถรอปทานํ
3. Dverataniyattheraapadānaṃ
๑๒.
12.
‘‘มิคลุโทฺท ปุเร อาสิํ, อรเญฺญ กานเน อหํ;
‘‘Migaluddo pure āsiṃ, araññe kānane ahaṃ;
อทฺทสํ วิรชํ พุทฺธํ, อาหุตีนํ ปฎิคฺคหํฯ
Addasaṃ virajaṃ buddhaṃ, āhutīnaṃ paṭiggahaṃ.
๑๓.
13.
‘‘มํสเปสิ มยา ทินฺนา, วิปสฺสิสฺส มเหสิโน;
‘‘Maṃsapesi mayā dinnā, vipassissa mahesino;
สเทวกสฺมิํ โลกสฺมิํ, อิสฺสรํ การยามหํฯ
Sadevakasmiṃ lokasmiṃ, issaraṃ kārayāmahaṃ.
๑๔.
14.
‘‘อิมินา มํสทาเนน, รตนํ นิพฺพตฺตเต มม;
‘‘Iminā maṃsadānena, ratanaṃ nibbattate mama;
ทุเวเม รตนา โลเก, ทิฎฺฐธมฺมสฺส ปตฺติยาฯ
Duveme ratanā loke, diṭṭhadhammassa pattiyā.
๑๕.
15.
‘‘เตหํ สเพฺพ อนุโภมิ, มํสทานสฺส สตฺติยา;
‘‘Tehaṃ sabbe anubhomi, maṃsadānassa sattiyā;
คตฺตญฺจ มุทุกํ มยฺหํ, ปญฺญา นิปุณเวทนีฯ
Gattañca mudukaṃ mayhaṃ, paññā nipuṇavedanī.
๑๖.
16.
‘‘เอกนวุติโต กเปฺป, ยํ มํสมททิํ ตทา;
‘‘Ekanavutito kappe, yaṃ maṃsamadadiṃ tadā;
ทุคฺคติํ นาภิชานามิ, มํสทานสฺสิทํ ผลํฯ
Duggatiṃ nābhijānāmi, maṃsadānassidaṃ phalaṃ.
๑๗.
17.
‘‘อิโต จตุตฺถเก กเปฺป, เอโก อาสิํ ชนาธิโป;
‘‘Ito catutthake kappe, eko āsiṃ janādhipo;
มหาโรหิตนาโม โส, จกฺกวตฺตี มหพฺพโลฯ
Mahārohitanāmo so, cakkavattī mahabbalo.
๑๘.
18.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา เทฺวรตนิโย 1 เถโร อิมา คาถาโย อภาสิตฺถาติฯ
Itthaṃ sudaṃ āyasmā dverataniyo 2 thero imā gāthāyo abhāsitthāti.
เทฺวรตนิยเตฺถรสฺสาปทานํ ตติยํฯ
Dverataniyattherassāpadānaṃ tatiyaṃ.
ทสมํ ภาณวารํฯ
Dasamaṃ bhāṇavāraṃ.
Footnotes:
