| Library / Tipiṭaka / તિપિટક • Tipiṭaka / સારત્થદીપની-ટીકા • Sāratthadīpanī-ṭīkā |
દ્વેનિસ્સારણાદિકથાવણ્ણના
Dvenissāraṇādikathāvaṇṇanā
૩૯૫. અપ્પત્તો નિસ્સારણન્તિ એત્થ નિસ્સારણકમ્મં નામ કુલદૂસકાનઞ્ઞેવ અનુઞ્ઞાતં, અયઞ્ચ ‘‘બાલો હોતિ અબ્યત્તો’’તિઆદિના નિદ્દિટ્ઠો કુલદૂસકો ન હોતિ, તસ્મા ‘‘અપ્પત્તો’’તિ વુત્તો . યદિ એવં કથં સુનિસ્સારિતો હોતીતિ? બાલઅબ્યત્તતાદિયુત્તસ્સપિ કમ્મક્ખન્ધકે ‘‘આકઙ્ખમાનો સઙ્ઘો પબ્બાજનીયકમ્મં કરેય્યા’’તિ (ચૂળવ॰ ૨૭) વુત્તત્તા. તેનેવાહ ‘‘તઞ્ચેસ…પે॰… તસ્મા સુનિસ્સારિતો હોતી’’તિ. તત્થ તન્તિ પબ્બાજનીયકમ્મં. એસોતિ ‘‘બાલો’’તિઆદિના નિદ્દિટ્ઠો. આવેણિકેન લક્ખણેનાતિ પબ્બાજનીયકમ્મસ્સ આવેણિકભૂતેન કુલદૂસકભાવલક્ખણેન.
395.Appattonissāraṇanti ettha nissāraṇakammaṃ nāma kuladūsakānaññeva anuññātaṃ, ayañca ‘‘bālo hoti abyatto’’tiādinā niddiṭṭho kuladūsako na hoti, tasmā ‘‘appatto’’ti vutto . Yadi evaṃ kathaṃ sunissārito hotīti? Bālaabyattatādiyuttassapi kammakkhandhake ‘‘ākaṅkhamāno saṅgho pabbājanīyakammaṃ kareyyā’’ti (cūḷava. 27) vuttattā. Tenevāha ‘‘tañcesa…pe… tasmā sunissārito hotī’’ti. Tattha tanti pabbājanīyakammaṃ. Esoti ‘‘bālo’’tiādinā niddiṭṭho. Āveṇikena lakkhaṇenāti pabbājanīyakammassa āveṇikabhūtena kuladūsakabhāvalakkhaṇena.
તઞ્ચે સઙ્ઘો નિસ્સારેતિ, સુનિસ્સારિતોતિ એત્થ અધિપ્પેતસ્સ પબ્બાજનીયકમ્મસ્સ વસેન અત્થં દસ્સેત્વા ઇદાનિ યદિ ‘‘તઞ્ચે સઙ્ઘો નિસ્સારેતી’’તિ તજ્જનીયાદિકમ્મવસેન નિસ્સારણા અધિપ્પેતા, તદા નિસ્સારણં સમ્પત્તોયેવ તજ્જનીયાદિવસેન સુનિસ્સારિતોતિ બ્યતિરેકમુખેન અત્થં દસ્સેતું પુન ‘‘તઞ્ચે સઙ્ઘો નિસ્સારેતી’’તિ ઉલ્લિઙ્ગેત્વા અત્થો કથિતો. નત્થિ એતસ્સ અપદાનં અવખણ્ડનં આપત્તિપરિયન્તોતિ અનપદાનો. એકેકેનપિ અઙ્ગેન નિસ્સારણા અનુઞ્ઞાતાતિ કમ્મક્ખન્ધકે અનુઞ્ઞાતા. સેસમેત્થ પાળિતો અટ્ઠકથાતો ચ સુવિઞ્ઞેય્યમેવ.
Tañce saṅgho nissāreti, sunissāritoti ettha adhippetassa pabbājanīyakammassa vasena atthaṃ dassetvā idāni yadi ‘‘tañce saṅgho nissāretī’’ti tajjanīyādikammavasena nissāraṇā adhippetā, tadā nissāraṇaṃ sampattoyeva tajjanīyādivasena sunissāritoti byatirekamukhena atthaṃ dassetuṃ puna ‘‘tañce saṅgho nissāretī’’ti ulliṅgetvā attho kathito. Natthi etassa apadānaṃ avakhaṇḍanaṃ āpattipariyantoti anapadāno. Ekekenapi aṅgena nissāraṇā anuññātāti kammakkhandhake anuññātā. Sesamettha pāḷito aṭṭhakathāto ca suviññeyyameva.
દ્વેનિસ્સારણાદિકથાવણ્ણના નિટ્ઠિતા.
Dvenissāraṇādikathāvaṇṇanā niṭṭhitā.
ચમ્પેય્યક્ખન્ધકવણ્ણના નિટ્ઠિતા.
Campeyyakkhandhakavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi / ૨૩૯. દ્વેનિસ્સારણાદિકથા • 239. Dvenissāraṇādikathā
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / દ્વેનિસ્સારણાદિકથા • Dvenissāraṇādikathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / દ્વેનિસ્સારણાદિકથાવણ્ણના • Dvenissāraṇādikathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / દ્વેનિસ્સરણાદિકથાવણ્ણના • Dvenissaraṇādikathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૨૩૯. દ્વેનિસ્સારણાદિકથા • 239. Dvenissāraṇādikathā
