| Library / Tipiṭaka / తిపిటక • Tipiṭaka / మహావిభఙ్గ-అట్ఠకథా • Mahāvibhaṅga-aṭṭhakathā |
౩. ద్వేభాగసిక్ఖాపదవణ్ణనా
3. Dvebhāgasikkhāpadavaṇṇanā
౫౫౨. తేన సమయేనాతి ద్వేభాగసిక్ఖాపదం. తత్థ అన్తే ఆదియిత్వాతి సన్థతస్స అన్తే అనువాతం వియ దస్సేత్వా ఓదాతం అల్లియాపేత్వా.
552.Tena samayenāti dvebhāgasikkhāpadaṃ. Tattha ante ādiyitvāti santhatassa ante anuvātaṃ viya dassetvā odātaṃ alliyāpetvā.
ద్వే భాగాతి ద్వే కోట్ఠాసా. ఆదాతబ్బాతి గహేతబ్బా. గోచరియానన్తి కపిలవణ్ణానం. ద్వే తులా ఆదాతబ్బాతి చతూహి తులాహి కారేతుకామం సన్ధాయ వుత్తం. అత్థతో పన యత్తకేహి ఏళకలోమేహి కాతుకామో హోతి, తేసు ద్వే కోట్ఠాసా కాళకానం ఏకో ఓదాతానం, ఏకో గోచరియానన్తి ఇదమేవ దస్సితం హోతీతి వేదితబ్బం. సేసం ఉత్తానత్థమేవ.
Dve bhāgāti dve koṭṭhāsā. Ādātabbāti gahetabbā. Gocariyānanti kapilavaṇṇānaṃ. Dve tulā ādātabbāti catūhi tulāhi kāretukāmaṃ sandhāya vuttaṃ. Atthato pana yattakehi eḷakalomehi kātukāmo hoti, tesu dve koṭṭhāsā kāḷakānaṃ eko odātānaṃ, eko gocariyānanti idameva dassitaṃ hotīti veditabbaṃ. Sesaṃ uttānatthameva.
సముట్ఠానాదీనిపి కోసియసిక్ఖాపదసదిసానేవ. కేవలం ఇదం ఆదాయ అనాదాయ చ కరణతో కిరియాకిరియం వేదితబ్బన్తి.
Samuṭṭhānādīnipi kosiyasikkhāpadasadisāneva. Kevalaṃ idaṃ ādāya anādāya ca karaṇato kiriyākiriyaṃ veditabbanti.
ద్వేభాగసిక్ఖాపదవణ్ణనా నిట్ఠితా.
Dvebhāgasikkhāpadavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావిభఙ్గ • Mahāvibhaṅga / ౩. ద్వేభాగసిక్ఖాపదం • 3. Dvebhāgasikkhāpadaṃ
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / ౩. ద్వేభాగసిక్ఖాపదవణ్ణనా • 3. Dvebhāgasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / ౩. ద్వేభాగసిక్ఖాపదవణ్ణనా • 3. Dvebhāgasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / ౧. కోసియసిక్ఖాపదవణ్ణనా • 1. Kosiyasikkhāpadavaṇṇanā
