| Library / Tipiṭaka / তিপিটক • Tipiṭaka / মহাৰিভঙ্গ-অট্ঠকথা • Mahāvibhaṅga-aṭṭhakathā |
৩. দ্ৰেভাগসিক্খাপদৰণ্ণনা
3. Dvebhāgasikkhāpadavaṇṇanā
৫৫২. তেন সমযেনাতি দ্ৰেভাগসিক্খাপদং। তত্থ অন্তে আদিযিত্ৰাতি সন্থতস্স অন্তে অনুৰাতং ৰিয দস্সেত্ৰা ওদাতং অল্লিযাপেত্ৰা।
552.Tena samayenāti dvebhāgasikkhāpadaṃ. Tattha ante ādiyitvāti santhatassa ante anuvātaṃ viya dassetvā odātaṃ alliyāpetvā.
দ্ৰে ভাগাতি দ্ৰে কোট্ঠাসা। আদাতব্বাতি গহেতব্বা। গোচরিযানন্তি কপিলৰণ্ণানং। দ্ৰে তুলা আদাতব্বাতি চতূহি তুলাহি কারেতুকামং সন্ধায ৰুত্তং। অত্থতো পন যত্তকেহি এল়কলোমেহি কাতুকামো হোতি, তেসু দ্ৰে কোট্ঠাসা কাল়কানং একো ওদাতানং, একো গোচরিযানন্তি ইদমেৰ দস্সিতং হোতীতি ৰেদিতব্বং। সেসং উত্তানত্থমেৰ।
Dve bhāgāti dve koṭṭhāsā. Ādātabbāti gahetabbā. Gocariyānanti kapilavaṇṇānaṃ. Dve tulā ādātabbāti catūhi tulāhi kāretukāmaṃ sandhāya vuttaṃ. Atthato pana yattakehi eḷakalomehi kātukāmo hoti, tesu dve koṭṭhāsā kāḷakānaṃ eko odātānaṃ, eko gocariyānanti idameva dassitaṃ hotīti veditabbaṃ. Sesaṃ uttānatthameva.
সমুট্ঠানাদীনিপি কোসিযসিক্খাপদসদিসানেৰ। কেৰলং ইদং আদায অনাদায চ করণতো কিরিযাকিরিযং ৰেদিতব্বন্তি।
Samuṭṭhānādīnipi kosiyasikkhāpadasadisāneva. Kevalaṃ idaṃ ādāya anādāya ca karaṇato kiriyākiriyaṃ veditabbanti.
দ্ৰেভাগসিক্খাপদৰণ্ণনা নিট্ঠিতা।
Dvebhāgasikkhāpadavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৩. দ্ৰেভাগসিক্খাপদং • 3. Dvebhāgasikkhāpadaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৩. দ্ৰেভাগসিক্খাপদৰণ্ণনা • 3. Dvebhāgasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৩. দ্ৰেভাগসিক্খাপদৰণ্ণনা • 3. Dvebhāgasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ১. কোসিযসিক্খাপদৰণ্ণনা • 1. Kosiyasikkhāpadavaṇṇanā
