| Library / Tipiṭaka / ತಿಪಿಟಕ • Tipiṭaka / ಸುತ್ತನಿಪಾತಪಾಳಿ • Suttanipātapāḷi |
೩. ದುಟ್ಠಟ್ಠಕಸುತ್ತಂ
3. Duṭṭhaṭṭhakasuttaṃ
೭೮೬.
786.
ವದನ್ತಿ ವೇ ದುಟ್ಠಮನಾಪಿ ಏಕೇ, ಅಥೋಪಿ ವೇ ಸಚ್ಚಮನಾ ವದನ್ತಿ।
Vadanti ve duṭṭhamanāpi eke, athopi ve saccamanā vadanti;
ವಾದಞ್ಚ ಜಾತಂ ಮುನಿ ನೋ ಉಪೇತಿ, ತಸ್ಮಾ ಮುನೀ ನತ್ಥಿ ಖಿಲೋ ಕುಹಿಞ್ಚಿ॥
Vādañca jātaṃ muni no upeti, tasmā munī natthi khilo kuhiñci.
೭೮೭.
787.
ಸಕಞ್ಹಿ ದಿಟ್ಠಿಂ ಕಥಮಚ್ಚಯೇಯ್ಯ, ಛನ್ದಾನುನೀತೋ ರುಚಿಯಾ ನಿವಿಟ್ಠೋ।
Sakañhi diṭṭhiṃ kathamaccayeyya, chandānunīto ruciyā niviṭṭho;
ಸಯಂ ಸಮತ್ತಾನಿ ಪಕುಬ್ಬಮಾನೋ, ಯಥಾ ಹಿ ಜಾನೇಯ್ಯ ತಥಾ ವದೇಯ್ಯ॥
Sayaṃ samattāni pakubbamāno, yathā hi jāneyya tathā vadeyya.
೭೮೮.
788.
ಅನರಿಯಧಮ್ಮಂ ಕುಸಲಾ ತಮಾಹು, ಯೋ ಆತುಮಾನಂ ಸಯಮೇವ ಪಾವ॥
Anariyadhammaṃ kusalā tamāhu, yo ātumānaṃ sayameva pāva.
೭೮೯.
789.
ಸನ್ತೋ ಚ ಭಿಕ್ಖು ಅಭಿನಿಬ್ಬುತತ್ತೋ, ಇತಿಹನ್ತಿ ಸೀಲೇಸು ಅಕತ್ಥಮಾನೋ।
Santo ca bhikkhu abhinibbutatto, itihanti sīlesu akatthamāno;
ತಮರಿಯಧಮ್ಮಂ ಕುಸಲಾ ವದನ್ತಿ, ಯಸ್ಸುಸ್ಸದಾ ನತ್ಥಿ ಕುಹಿಞ್ಚಿ ಲೋಕೇ॥
Tamariyadhammaṃ kusalā vadanti, yassussadā natthi kuhiñci loke.
೭೯೦.
790.
ಪಕಪ್ಪಿತಾ ಸಙ್ಖತಾ ಯಸ್ಸ ಧಮ್ಮಾ, ಪುರಕ್ಖತಾ 5 ಸನ್ತಿ ಅವೀವದಾತಾ।
Pakappitā saṅkhatā yassa dhammā, purakkhatā 6 santi avīvadātā;
ಯದತ್ತನಿ ಪಸ್ಸತಿ ಆನಿಸಂಸಂ, ತಂ ನಿಸ್ಸಿತೋ ಕುಪ್ಪಪಟಿಚ್ಚ ಸನ್ತಿಂ॥
Yadattani passati ānisaṃsaṃ, taṃ nissito kuppapaṭicca santiṃ.
೭೯೧.
791.
ದಿಟ್ಠೀನಿವೇಸಾ ನ ಹಿ ಸ್ವಾತಿವತ್ತಾ, ಧಮ್ಮೇಸು ನಿಚ್ಛೇಯ್ಯ ಸಮುಗ್ಗಹೀತಂ।
Diṭṭhīnivesā na hi svātivattā, dhammesu niccheyya samuggahītaṃ;
ತಸ್ಮಾ ನರೋ ತೇಸು ನಿವೇಸನೇಸು, ನಿರಸ್ಸತೀ ಆದಿಯತೀ ಚ ಧಮ್ಮಂ॥
Tasmā naro tesu nivesanesu, nirassatī ādiyatī ca dhammaṃ.
೭೯೨.
792.
ಧೋನಸ್ಸ ಹಿ ನತ್ಥಿ ಕುಹಿಞ್ಚಿ ಲೋಕೇ, ಪಕಪ್ಪಿತಾ ದಿಟ್ಠಿ ಭವಾಭವೇಸು।
Dhonassa hi natthi kuhiñci loke, pakappitā diṭṭhi bhavābhavesu;
ಮಾಯಞ್ಚ ಮಾನಞ್ಚ ಪಹಾಯ ಧೋನೋ, ಸ ಕೇನ ಗಚ್ಛೇಯ್ಯ ಅನೂಪಯೋ ಸೋ॥
Māyañca mānañca pahāya dhono, sa kena gaccheyya anūpayo so.
೭೯೩.
793.
ಉಪಯೋ ಹಿ ಧಮ್ಮೇಸು ಉಪೇತಿ ವಾದಂ, ಅನೂಪಯಂ ಕೇನ ಕಥಂ ವದೇಯ್ಯ।
Upayo hi dhammesu upeti vādaṃ, anūpayaṃ kena kathaṃ vadeyya;
ಅತ್ತಾ ನಿರತ್ತಾ 7 ನ ಹಿ ತಸ್ಸ ಅತ್ಥಿ, ಅಧೋಸಿ ಸೋ ದಿಟ್ಠಿಮಿಧೇವ ಸಬ್ಬನ್ತಿ॥
Attā nirattā 8 na hi tassa atthi, adhosi so diṭṭhimidheva sabbanti.
ದುಟ್ಠಟ್ಠಕಸುತ್ತಂ ತತಿಯಂ ನಿಟ್ಠಿತಂ।
Duṭṭhaṭṭhakasuttaṃ tatiyaṃ niṭṭhitaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಸುತ್ತನಿಪಾತ-ಅಟ್ಠಕಥಾ • Suttanipāta-aṭṭhakathā / ೩. ದುಟ್ಠಟ್ಠಕಸುತ್ತವಣ್ಣನಾ • 3. Duṭṭhaṭṭhakasuttavaṇṇanā
