| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
១០. ទុតិយវុឌ្ឍបព្ពជិតសុត្តំ
10. Dutiyavuḍḍhapabbajitasuttaṃ
៦០. ‘‘បញ្ចហិ, ភិក្ខវេ, ធម្មេហិ សមន្នាគតោ ទុល្លភោ វុឌ្ឍបព្ពជិតោ។ កតមេហិ បញ្ចហិ? ទុល្លភោ, ភិក្ខវេ, វុឌ្ឍបព្ពជិតោ សុវចោ, ទុល្លភោ សុគ្គហិតគ្គាហី , ទុល្លភោ បទក្ខិណគ្គាហី, ទុល្លភោ ធម្មកថិកោ, ទុល្លភោ វិនយធរោ។ ឥមេហិ ខោ, ភិក្ខវេ, បញ្ចហិ ធម្មេហិ សមន្នាគតោ ទុល្លភោ វុឌ្ឍបព្ពជិតោ’’តិ។ ទសមំ។
60. ‘‘Pañcahi, bhikkhave, dhammehi samannāgato dullabho vuḍḍhapabbajito. Katamehi pañcahi? Dullabho, bhikkhave, vuḍḍhapabbajito suvaco, dullabho suggahitaggāhī , dullabho padakkhiṇaggāhī, dullabho dhammakathiko, dullabho vinayadharo. Imehi kho, bhikkhave, pañcahi dhammehi samannāgato dullabho vuḍḍhapabbajito’’ti. Dasamaṃ.
នីវរណវគ្គោ បឋមោ។
Nīvaraṇavaggo paṭhamo.
តស្សុទ្ទានំ –
Tassuddānaṃ –
អាវរណំ រាសិ អង្គានិ, សមយំ មាតុបុត្តិកា;
Āvaraṇaṃ rāsi aṅgāni, samayaṃ mātuputtikā;
ឧបជ្ឈា ឋានា លិច្ឆវិ, កុមារា អបរា ទុវេតិ។
Upajjhā ṭhānā licchavi, kumārā aparā duveti.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៩-១០. វុឌ្ឍបព្ពជិតសុត្តទ្វយវណ្ណនា • 9-10. Vuḍḍhapabbajitasuttadvayavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៨-១០. លិច្ឆវិកុមារកសុត្តាទិវណ្ណនា • 8-10. Licchavikumārakasuttādivaṇṇanā
