| Library / Tipiṭaka / తిపిటక • Tipiṭaka / అఙ్గుత్తరనికాయ • Aṅguttaranikāya |
౧౦. దుతియవుడ్ఢపబ్బజితసుత్తం
10. Dutiyavuḍḍhapabbajitasuttaṃ
౬౦. ‘‘పఞ్చహి, భిక్ఖవే, ధమ్మేహి సమన్నాగతో దుల్లభో వుడ్ఢపబ్బజితో. కతమేహి పఞ్చహి? దుల్లభో, భిక్ఖవే, వుడ్ఢపబ్బజితో సువచో, దుల్లభో సుగ్గహితగ్గాహీ , దుల్లభో పదక్ఖిణగ్గాహీ, దుల్లభో ధమ్మకథికో, దుల్లభో వినయధరో. ఇమేహి ఖో, భిక్ఖవే, పఞ్చహి ధమ్మేహి సమన్నాగతో దుల్లభో వుడ్ఢపబ్బజితో’’తి. దసమం.
60. ‘‘Pañcahi, bhikkhave, dhammehi samannāgato dullabho vuḍḍhapabbajito. Katamehi pañcahi? Dullabho, bhikkhave, vuḍḍhapabbajito suvaco, dullabho suggahitaggāhī , dullabho padakkhiṇaggāhī, dullabho dhammakathiko, dullabho vinayadharo. Imehi kho, bhikkhave, pañcahi dhammehi samannāgato dullabho vuḍḍhapabbajito’’ti. Dasamaṃ.
నీవరణవగ్గో పఠమో.
Nīvaraṇavaggo paṭhamo.
తస్సుద్దానం –
Tassuddānaṃ –
ఆవరణం రాసి అఙ్గాని, సమయం మాతుపుత్తికా;
Āvaraṇaṃ rāsi aṅgāni, samayaṃ mātuputtikā;
ఉపజ్ఝా ఠానా లిచ్ఛవి, కుమారా అపరా దువేతి.
Upajjhā ṭhānā licchavi, kumārā aparā duveti.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౯-౧౦. వుడ్ఢపబ్బజితసుత్తద్వయవణ్ణనా • 9-10. Vuḍḍhapabbajitasuttadvayavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౮-౧౦. లిచ్ఛవికుమారకసుత్తాదివణ్ణనా • 8-10. Licchavikumārakasuttādivaṇṇanā
