| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၅. ဒုတိယဝေဒနာနာနတ္တသုတ္တဝဏ္ဏနာ
5. Dutiyavedanānānattasuttavaṇṇanā
၈၉. တတိယစတုတ္ထေသု ဝုတ္တနယာဝာတိ ‘‘နော စက္ခုသမ္ဖသ္သံ ပဋိစ္စ ဥပ္ပဇ္ဇတိ စက္ခုဓာတူ’’တိ ဧဝံ ဝုတ္တနယော, စတုတ္ထေ ‘‘စက္ခုဓာတုံ, ဘိက္ခဝေ, ပဋိစ္စ ဥပ္ပဇ္ဇတိ စက္ခုသမ္ဖသ္သော’’တိအာဒိနာ ဝုတ္တနယော စ။ ဧကတော ကတ္ဝာတိ ဧကဇ္ဈံ ကတ္ဝာ ဒေသိတာ။ ကသ္မာ ပန တေသု သုတ္တေသု ဧဝံ ဒေသနာ ပဝတ္တာတိ အာဟ ‘‘သဗ္ဗာနိ စေတာနီ’’တိအာဒိ။ ပဋိသေဓော ပန တေသံ ဝေဒနာနာနတ္တာဒီနံ ဖသ္သနာနတ္တာဒိကသ္သ ပစ္စယဘာဝတော တထာဥပ္ပတ္တိယာ အသမ္ဘဝတော။ ဣတော ပရေသူတိ ‘‘နော ပရိယေသနာနာနတ္တံ ပဋိစ္စ ဥပ္ပဇ္ဇတိ ပရိဠာဟနာနတ္တ’’န္တိအာဒီသု။
89.Tatiyacatutthesuvuttanayāvāti ‘‘no cakkhusamphassaṃ paṭicca uppajjati cakkhudhātū’’ti evaṃ vuttanayo, catutthe ‘‘cakkhudhātuṃ, bhikkhave, paṭicca uppajjati cakkhusamphasso’’tiādinā vuttanayo ca. Ekato katvāti ekajjhaṃ katvā desitā. Kasmā pana tesu suttesu evaṃ desanā pavattāti āha ‘‘sabbāni cetānī’’tiādi. Paṭisedho pana tesaṃ vedanānānattādīnaṃ phassanānattādikassa paccayabhāvato tathāuppattiyā asambhavato. Ito paresūti ‘‘no pariyesanānānattaṃ paṭicca uppajjati pariḷāhanānatta’’ntiādīsu.
ဒုတိယဝေဒနာနာနတ္တသုတ္တဝဏ္ဏနာ နိဋ္ဌိတာ။
Dutiyavedanānānattasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၅. ဒုတိယဝေဒနာနာနတ္တသုတ္တံ • 5. Dutiyavedanānānattasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၅. ဒုတိယဝေဒနာနာနတ္တသုတ္တဝဏ္ဏနာ • 5. Dutiyavedanānānattasuttavaṇṇanā
